အရိုး- တစ်ခါတုန်းက လမ်းပေါ်မှာ

ကျွန်မကတော့ တေးရေး အရိုးကိုရော၊ စာရေးဆရာ အရိုးကိုရော အားပေးတဲ့ အရိုးပရိသတ်လို့ ဆိုရင် မမှားပါဘူး။ အရိုးရေးတဲ့ သီချင်းတော်တော်များများဆို စိတ်ဝင်တစားနားထောင်ဖြစ်တယ်။ ဟိုး..အရင်က လွှမ်းမိုးသီချင်းတွေလိုမျိုး တစ်ပုဒ်လုံး နားထောင်မှ ဇာတ်ရည်လည်တဲ့ ဇာတ်လမ်းလေးနဲ့ သီချင်းမျိုးတွေ၊ ခု အရိုးလည်း ရေးတယ်။ သူ့စိတ်ကူးလေးတွေက ဆန်းဆန်းလေးတွေ ဖြစ်နေတော့ သူရေးတဲ့ သီချင်းဆို နားထောင်ကြည့်ဖြစ်တာ များပါတယ်။
သူရေးတဲ့စာတွေလည်း ဒီလိုပါပဲ။ အရေးအသားက ပေါ့ပေါ့ပါးပါးရှိပြီး အတွေးလေးတွေ ကောင်းလို့ ဖတ်ဖြစ်တယ်။ စာအုပ်ထွက်ထားတဲ့ ဆိုသည်မှာ… တွေကအစ နံနက်ခင်းဂျာနယ်မှာပါတဲ့ အရိုးရဲ့ခုနစ်ရက်မှတ်တမ်းအထိ ကြုံရင်ကြုံသလို ဖတ်ဖြစ်တယ်။ ဂျာနယ်ကတော့ အပတ်တိုင်းလည်း မဖတ်ဖြစ်၊ ဂျာနယ်ပေါင်းစုံလည်း မဖတ်ဖြစ်တော့ ဘယ်ဂျာနယ်တွေမှာ ရေးသေးလဲတော့ မသိဘူး။ သူ့စာတွေပါရင်တော့ ၀ယ်ဖတ်ဖြစ်မှာပါ။ ဆိုသည်မှာ.. ဆိုရင်လည်း ထပ်ထွက်ဦးမယ် ထင်လို့ မျှော်နေတုန်းပါပဲ။
ခုတော့ နောက်တစ်အုပ်ထွက်ပါပြီ။ တစ်ခါတုန်းက လမ်းပေါ်မှာ တဲ့။ လုံးချင်းဝတ္ထုပဲ ပြောရမှာပေါ့။ စာမျက်နှာ ၁၁၈မျက်နှာပဲ ပါပါတယ်။ ဇာတ်အိမ် ထူးထူးခြားခြားတော့ မဟုတ်ပါဘူး။ ထုံးစံအတိုင်း ပေါက်ကရအတွေးလေးတွေတော့ ပါတာပေါ့။ အိမ်သူရွှေမ စာပေကထုတ်ဝေပြီး၊ မျက်နှာဖုံးပန်းချီ မုတ်သုံရဲ့ ဇတ်လမ်းနဲ့ ကွက်တိဖြစ်တဲ့ သရုပ်ဖော်ပုံလေးနဲ့ပါ။ တကယ်တော့ စာအုပ်ပုံလေးပါ တင်ပေးချင်တာ။ အဆင်မပြေလို့ စာအုပ်ထွက်ကြောင်းလေးပဲ ပြောတယ်ပေါ့။ အဆင်ပြေရင် ဖတ်ကြည့်ကြပါဦး။

အဖြစ်

အချိန်ကြာကြာ စာဖတ်ချိန်မရမယ့် နေရာမျိုးဖြစ်ရင် ကဗျာစာအုပ်က ဖတ်ဖို့အလွန်ကို သင့်တော်ပါတယ်။ ကဗျာတွေက အများကြီးတဆက်တည်း ဖတ်ရရင် ထုံတုံတုံနဲ့ ခံစားရမကောင်းတော့ဘူး။ ဖြည်းဖြည်းနဲ့ နှစ်ပုဒ်လောက်ဖတ်လိုက်၊ နားလိုက် အဲလိုပုံစံမျိုးဖတ်မှ ခံစားလို့ကောင်းတယ်။ ကျွန်မအတွက်ပြောတာပါ။ သူများတွေတော့ ဘယ်လိုနေမယ်မသိ။
ခရီးသွားတဲ့အချိန်မှာ ယူသွားသင့်တဲ့စာအုပ်ဟာ ကဗျာစာအုပ်လို့ သတ်မှတ်ထားတဲ့ ကျွန်မအတွေး ဒီတခါလည်း မှန်ကန်ပြန်တယ်။ ဒီတခေါက်ခရီးက အပျော်ခရီးလည်းဖြစ် သူငယ်ချင်းတွေနဲ့လည်းဖြစ် ဆိုတော့ စာအုပ်သိပ်မလိုလောက်ဘူး ထင်ပေမယ့် လိုလိုမယ်မယ် ကြည်ဇော်အေး ကဗျာစာအုပ်ပါးပါးလေး သယ်သွားဖြစ်တယ်။ လှိုင်းပုတ်သံတွေနားထောင်ရင်း ကဗျာစာအုပ်ဖတ်ရတဲ့ အရသာလည်းမဆိုးပါဘူး။ ဖတ်ပြီးသားပေမယ့် အသစ်အသစ်သော ခံစားမှုတွေရတာပါပဲ။
အဲဒီအထဲက ဒီ အဖြစ် ဆိုတဲ့ ကဗျာလေးရောက်တော့ တခုခုကို သတိရသွားတယ်။ အရင်ဖတ်တုန်းက ဘယ်လိုမျိုးတွေးမိလဲ မမှတ်မိတော့ပေမယ့် ဒီတခေါက်တော့ ပြုံးချင်စရာလေး ဖြစ်သွားတယ်။ ဟုတ်ကဲ့.. ကျွန်မ တစ်ယောက်ယောက်ကို ရည်ရွယ်ချင်တာပါ.. ကဲ ဖတ်ကြည့်ပါဦးနော်..

အဖြစ်

ကိုယ့်ပိုင်နက်ထဲကိုယ်ပြန်ပိတ်မိနေရင်
ကိုယ့်ဦးနှောက်ကိုယ်ပြန်ဖောက်စားလိုက်
ကိုယ့်ထောင်ချောက်ကိုယ်ပြန်နင်းမိရင်
ကိုယ့်မျက်လုံးကိုယ်ပြန်ဖောက်ထုတ်လိုက်
ကိုယ့်စကားကိုယ်ဘယ်ရောက်သွားမှန်းမသိရင်
ကိုယ့်လျှာကိုယ်ပြန်ဖြတ်ပစ်လိုက်
သွေးခဲသေသွားတဲ့သေတမ်းစာဟာ
ဖြားယောင်းသွေးဆောင်ခံလိုက်ရတာ
အပင်းသွင်းခံလိုက်ရတာ
မီးကွင်းတွေထဲမှာချည်း
ခုန်ခုန်ပြနေတော့မှာလားအချစ်ရယ်
ဓါးသွားတွေပေါ်မှာချည်း
အိပ်အိပ်ပြနေတော့မှာလား အချစ်ရယ်
မင်းမလည်း ဝေ့လည်ကြောင်ပတ်
မင်းမလည်း ဘာနဲ့မှစားလို့မပြတ်
ကိုယ့်အပူနဲ့ကိုယ်
ကိုယ့်အယူနဲ့ကိုယ်
ကိုယ်လည်းမျှောချခဲ့ရတာပါပဲ အချစ်ရယ်
ကိုယ်လည်းလျှောချခဲ့ရတာပါပဲ အချစ်ရယ်။ ။

ကြည်ဇော်အေး

ကြည်ဇော်အေးရဲ့ အပြောင်းအရွှေ့အရောင်းအ၀ယ်

ကျွန်မအိမ်လေးကို လာလာလည်ကြတဲ့ တချို့တချို့တွေက ပြောပါတယ်။ သူများကဗျာတွေ မတင်ပါနဲ့တဲ့။ ကျွန်မကလည်း ဖတ်မိပြီး ကြိုက်ရင် သူများကိုလည်း ဖတ်ကြည့်စေချင်ရော။ နောက်ပိုင်းလည်း ကျွန်မ ကဗျာပဲ အဖတ်များတာကိုး။ ဒီတော့ ခဏခဏ ကြိုက်တဲ့ကဗျာတွေ့၊ တင်ချင်၊ တင်မိရော။
ဘာကြောင့်ကြိုက်လဲ ဆိုတဲ့ ကွန်မန့်လေးတော့ ရေးချင်သား။ ဒါပေမယ့် လာဖတ်တဲ့သူ ခံစားမှုမှာ အကန့်အသတ်ဖြစ်မှာစိုးတယ်။ ကျွန်မကိုယ်တိုင်ကလည်း ကဗျာဖတ်ရင် ကျွန်မကြိုက်သလို ရှုထောင့်က ခံစားပြီးဖတ်တာကိုး။ ဒီတခေါက် ဒီခံစားချက်ပေမယ့် နောက်တခေါက် တူချင်မှတောင် တူမှာ။ ဒီတော့ အကန့်အသတ်ဖြစ်စေမယ့် ကွန်မန့်တွေတော့ မရေးတော့ပါဘူး။ အဆင်ပြေသလို၊ နှစ်သက်သလိုသာ ခံစားသွားကြပါ။ ကျွန်မကတော့ ဖတ်တဲ့အချိန်မှာ နှုတ်ခမ်းနည်းနည်းတွန့်ဖြစ်သွားတဲ့ ကဗျာလေးတွေ ခုတလော ကြိုက်နေတယ်။ ဆရာ ကြည်ဇော်အေးရဲ့ အပြောင်းအရွှေ့အရောင်းအ၀ယ်တဲ့။ ဖတ်သွားပါဦး။

*******************************************

အပြောင်းအရွှေ့ အရောင်းအ၀ယ်

ဘာတဲ့
ရင်ကိုလာမှန်သော အနုပညာပစ္စည်းများဆိုလား
ဖွင့်ရင်းဖွင့်ရင်း လည်ပင်းပြတ်ထွက်သွားတဲ့ ပုလင်းတစ်လုံး
ဖွင့်ရင်းဖွင့်ရင်း ထစ်ထစ်သွားတဲ့ စီဒီတစ်ချပ်
မှားသွားလည်း
ပါးအရိုက်ခံရရုံအပြင် ပိုမရှိပါဘူးတဲ့ ခံယူချက်က
သူငယ်ချင်းတွေရဲ့ အခန်းတံခါးတွေလိုက်ခေါက်
သူငယ်ချင်းတွေရဲ့ ဖုန်းနံပါတ်တွေလျှောက်နှိပ်
ဒီလိုပဲနေသွားတော့မှာလားဆိုတဲ့ မေးခွန်းအတွက်
ဒီလိုမနေလို့
ဒီလိုမနေနဲ့ ဒီလိုနေဆိုတဲ့ ပုံလေးဆွဲပြပါလား
စလုံးမှာဆိုတော့ လန်းမှာပေါ့
ယပလက်မှာဆိုတော့ လန်းမှာပေါ့
ဒီမှာတော့ ဒါပဲဆိုတော့ နွမ်းနေရတာပေါ့
နောက်ဆို ယောင်လို့တောင် မယောင်မိအောင်
သတိထားရမယ့် ဖန်ခွက်တစ်ခွက်
နောက်ဆို ယောင်လို့တောင် မယောင်မိအောင်
သတိထားရမယ့် အထုပ်တစ်ထုပ်
ကိုယ်လည်းကြိုးစားပြီး လက်ဝါးဖြန့်နေတာပဲ
ကိုယ်လည်းကြိုးစားပြီး လက်သီးဆုပ်ထားတာပဲ
ဒီကြားထဲက လွတ်ထွက်သွားသေးတယ်
ဒီကြားထဲက လျှောကျသွားသေးတယ်
ဘယ်ကြားထဲက ပြုတ်ကျသွားဦးမှာလဲ မပြောတတ်ဘူး
အပေါ်ကနေမလား ဖြစ်ချင်ရာဖြစ်
အောက်ကနေမလား ဖြစ်ချင်ရာဖြစ်
ပေါက်ဈေးကတော့ ဒိုင်ဘက်က အသာစီးယူထားပြီးသား
တစ်ရာသီလုံး
အိမ်ကွင်းရှုံးပွဲမရှိစံချိန်
တစ်ရာသီလုံး
အဝေးကွင်းနိုင်ပွဲမရှိစံချိန်
ဘာတဲ့
ကိုယ်လည်း တစ်ရာသီလုံး အရန်ခုံပေါ်ထိုင်ခဲ့ရတဲ့စံချိန်။        ။

ကြည်ဇော်အေး
20-7-2008
(ကဗျာဆရာ၊ ကဗျာအယူအဆနှင့် ကဗျာရေးခြင်း စာအုပ်မှ….)

ကြည်ဇော်အေး – ပထ၀ီအနေအထား

ဒီတပတ်တော့ ကြည်ဇော်အေးရဲ့ ပထ၀ီအနေအထားလို့ခေါင်းစဉ်တပ်ထားတဲ့ ကဗျာ ၄၅ ပုဒ်ပါတဲ့ ကဗျာစာအုပ်လေးဖတ်ဖြစ်ပါတယ်။ တော်တော်များများကတော့ လစဉ်ထုတ်မဂ္ဂဇင်းတွေမှာ ပါဖူးပြီးသား ကဗျာတွေပါပဲ။
အမှာ မှာရေးထားတဲ့ စာသားလေးကို တော်တော်ကြိုက်သွားပါတယ်။ သူရေးထားတာက…

မလိုအပ်ဘဲစကားများခြင်းနဲ့ မလိုအပ်ဘဲ ဆေးထိုးခြင်းဟာ အတူတူပါပဲ။ အပိုတွေ ပြောမနေချင်လို့ အပိုတွေ ရှင်းပြမနေချင်လို့ ကဗျာရေးနေကြတာ မဟုတ်လား။ ရောက်မရောက် ရမရ ဆိုတာကတော့ ရေးသူ ဖတ်သူ နှစ်ဦးစလုံးအပေါ်မူတည်ပါလိမ့်မယ်။ လူနဲ့ကဗျာဟာ ယူဇနာဘယ်နှစ်သန်း ဝေးကွာခဲ့ပါသလဲ…. ခုဆိုကျွန်တော်တို့ အရောင်းအ၀ယ် ဖြစ်သွားကြပြီ ဆိုပါစို့…….။ ။

ကဲ.. ထုံးစံအတိုင်းပေါ့။ တစ်ပုဒ်လောက်တော့ မျှဝေခံစားပေးပါဦး။

သိပ်မစဉ်းစားဘူးဆိုရင်

လမ်းပေါ်မှာ ပြေးလွှား

ဘာမဆိုဖြစ်သွားနိုင်တယ်ဆိုတဲ့ ခေတ်ထဲမှာ

နဖူးကချွေး ဘယ်နေရာကျရမှန်းမသိအောင်

အစချီ ညည်းညူတော့မယ် မထင်လေနဲ့

လိုက်လျောညီထွေ အဆင်ပြေပြေ

ပေါ့ပေါ့ပါးပါး ဆိုပါတော့

ဘယ်စာအုပ်မှ ခေါင်းအုံးမထားဘဲ

သက်တောင့်သက်သာ အိပ်ပျော်နည်းစာအုပ်ဖတ်ပြီး

အိပ်မက်လှလှ မက်ပါစေဆိုလည်း

အလိုမပြည့်တာလေးတစ်ခုပါပဲ

ဟိုကွေ့ရောက်ရင် ဟိုတက်နဲ့ လှော်ရအောင်ကလည်း

ဘယ်တက်က ဘယ်နေရာရှိမှန်း မသိတာလေးတစ်ခုပါပဲ

လာမယ်မှန်းမသိ မလာမယ်မှန်းမသိ

တောင်ငေးရင်း မြောက်ငေးရင်း

တောင်မှန်း မြောက်မှန်းမသိ ဖြစ်နေတာလေးတစ်ခုပါပဲ

နှစ်သုံးဆယ်လုံးလုံး နှုတ်ခမ်းကိုချည်း ဖိကိုက်ခဲ့ရတော့

နှုတ်ခမ်းဟာ သွေးသံရဲရဲ ဖြစ်နေတာလေးတစ်ခုပါပဲ

အရည်မရ အဖတ်မရ

လူမုန်းစုန်းစာအဖြစ် အဖတ်တင်ခဲ့တာလေးတစ်ခုပါပဲ

သည်းခံခြင်းဟာ ဘတ်စ်ကားစီးရင်းရခဲ့တာလို့

ပေါ့ပျက်ပျက် သံဝေဂတွေလည်း ပျင်းစရာကောင်းပါတယ်

သီချင်းကျယ်ကျယ်အော်ဆိုရင်း

ကမ္ဘာကြီးကျဉ်းလာတယ်ဆိုတော့

နောက်ထပ်ဟာသတစ်ခု နားထောင်ရသလိုပေါ့လေ

ဒီလိုပဲ သဘောထားပါတယ်

ဒီလိုသဘောထားမျိုးနဲ့ တစ်လမ်းဝင် တစ်လမ်းထွက်

တစ်ခွက်ပြီး တစ်ခွက် ရက်ရက်စက်စက်

ဘာပဲဖြစ်ဖြစ် သိပ်မစဉ်းစားဘူးဆိုရင်ပေါ့လေ

ဘာပဲဖြစ်ဖြစ် လိုက်လျောညီထွေ အဆင်ပြေပြေပါပဲ။           ။

ကြည်ဇော်အေး
ရယ်စရာမဂ္ဂဇင်း၊ နိုဝင်ဘာ၊ ၂၀၀၆

Bigbag Telepunk

BigBag ရဲ့ Telepunk

1.  telepunk
2.  လက်ခံထားဆဲ
3.  cancer
4.  ခွင့်လွှတ်ပေးရမယ်ပေါ့
5.  ကြုံရင်ပြောပေးပါ
6.  ခုနစ်လွှာ
7.  ၂ကဒ်ထဲပါသောရုပ်ရှင်
8.  ဟိုလိုဒီလို
9.  bluetooth
10. see green
11. ကျွန်ုပ်၏ အခြားတ၀က်
12. မေ့ထားလိုက်
13. သီချင်း(၂)
14. မသိမရှိ

နားထောင်ပြီးလောက်ကြပါပြီနော့။ ဘယ်လိုနေတုန်း။ နည်းနည်းပါးပါးပြောကြည့်ရအောင်လေ။
ကျွန်မကတော့ ခုတလော ဒီခွေပဲ ဆက်တိုက်နားထောင်ဖြစ်နေတယ်။ အကြိုက်ဆုံးနှစ်ပုဒ်ရှိတယ်။

ခဏခဏ ဒဏ်ရာရလာတော့.. တခါတခါ အသက်ရှူတိုင်း ရင်ဘတ်ထဲက အောင့်အောင့်လာ။ ကြာကြာခံပါတော့မလား။……………………..။
ရော့ အသဲနှလုံး နင်ယူပါတော့… အမှတ်တရ နင်နံရံမှာ ချိတ်ထားပေါ့။ တဘ၀လုံးအတွက် ၀ဋ်ကြွေးတွေကျေပါတော့…။
ဆိုတဲ့ cancer ရယ်။

မထင်မှတ်ဘဲ ဖြစ်တယ်ပေါ့။ နင်ထွက်သွားတော့မယ်ပေါ့။ ခွင့်လွှတ်ပေးရမယ်ပေါ့။ မဖြစ်နိုင်တော့လို့ပါပေါ့။ ……………………….ယုတ္တိလုံးဝမရှိဘူး။ ဘာကိုမှ မသိချင်ဘူး။ ခြုံခိုမတိုက်ခိုက်ပါနဲ့။ ငါဟာ ကျရှုံးနေပြီ။ ……… ဆိုတဲ့ ခွင့်လွှတ်ပေးရမယ်ပေါ့ ရယ်။

မိုးထက်သီချင်းဖြစ်တဲ့ ကြုံရင်ပြောပေးပါ ကလည်း ပုံစံနည်းနည်းပြောင်းပြီး ပိုနားထောင်လို့ကောင်းနေပါတယ်။
telepunk, bluetooth, ခုနစ်လွှာတို့ကလည်း မိုက်တယ်။  ကျွန်ုပ်၏အခြားတ၀က်ကတော့ သူ့မိန်းမအကြောင်းရေးထားတာပါ။

ခြုံပြောရရင်တော့ တခွေလုံးကြိုက်ပါတယ်။  ကဲ.. ဘယ်လိုလဲ။ နားထောင်ပြီးရင်လည်း ဘယ်သီချင်းလေးတွေ ကြိုက်သလဲ ပြောကြပါဦး။ နားမထောင်ရသေးရင်လည်း ၀ယ်နားထောင်ပေါ့။ ၀ယ်မရတဲ့နေရာမှာဆိုလည်း download လုပ်လို့ရပါတယ်လေ။ နားထောင်လိုက်ပါဦးနော့။

အေးအေးဆေးဆေးလမ်း

ပြီးခဲ့တဲ့တပတ်က ခိုင်မြဲကျော်စွာ ရဲ့ အေးအေးဆေးဆေးလမ်း ဆိုတဲ့ကဗျာစာအုပ်လေးဖတ်ဖြစ်တယ်။ လစဉ်ထုတ်မဂ္ဂဇင်းတွေမှာ ပါထားတဲ့ ကဗျာတွေကို ပြန်စုထားတဲ့စာအုပ် ဖြစ်ပါတယ်။ ကဗျာပေါင်း ၅၂ ပုဒ်ပါပါတယ်။

အကြိုက်ဆုံးတစ်ပုဒ်ကို မျှဝေလိုက်ပါတယ်။ ဖတ်ကြည့်ကြပါဦး။

*****************************************************

အထီးကျန်ခြင်း


ကိုယ်ကျင့်တရားမှာ ချွေးတစိုစို

ငါ့ကိုယ်ငါ အရမ်းစိတ်ပူတယ်

အစွန်းရောက်အာရုံကို အဖုံးဖုံး

ငါဟာ သူတော်စင်လို မျက်လုံးအောက်စိုက်လမ်းလျှောက်လို့

တကယ်တော့ စိတ်များလွန်းတဲ့ ပုရွက်ဆိတ်တစ်ကောင်

ခေါင်းကို ဆတ်ခနဲ ဆတ်ခနဲ လွှဲရ

ကိုယ့်ကိုယ်ကို အမြဲအာပတ်ဖြေနေရတဲ့လူပါ

ငါဝတ်လက်စ ဂျင်းဘောင်းဘီ

ဒီရာသီအကုန် တန်းပေါ်ပစ်တင်ထားလိုက်တော့မယ်ဆိုလည်း

ရန်ပွဲတွေ့ရင် သွေးက၀င်ရိုက်ခွဲချင်တုန်းပဲ

ဝရန်တာပန်းအိုးထဲက မြေလို

လူငယ်စိတ်လို့ အော်ပြောနေတဲ့ အရုပ်တွေကြည့်ရင်း

ဆံပင်ရှည်ပြန်ထားချင်တယ်

ဆောင့်ဆွဲနေရတဲံ အရာတွေများလွန်းလို့

လက်ထဲကခွက်မှာ သံချေးတက်တက်လာ

လက်ဆစ်တဖျောက်ဖျောက်ချိုးရင်း

အပိုးမကျိုး ဘာမကျိုး

တောက်ထုတ်ပစ်ပြီးသား အဲသည်ဘ၀မျိုး သတိရတယ်

ငါ ဘယ်လို အယောင်ဆောင်ဆောင်

ငန်ကျိကျိလမ်းမပေါ်

အင်္ကျီကော်လံ ထောင်ထားချင်တုန်းပဲ။    ။

ခိုင်မြဲကျော်စွာ

အချို့သော အာရေဘီယံ၃၃

တိမ်တွေဟာ တရွေ့ရွေ့သွားနေကြတယ်။
လူတွေဟာလည်း ကိုယ်နဲ့ ဆိုင်ရာ ဘ၀တွေမှာ တရွေ့ရွေ့နဲ့ တစ်ရက်ပြီး တစ်ရက်
ဖြတ်သန်း သွားနေကြတာပါပဲ။
တချို့ရက်တွေမှာ ကောင်းတာတွေ လုပ်ဖြစ်ခဲ့ကြမယ်။
တချို့ရက်တွေကျတော့ သိပ်မကောင်းတာတွေ လုပ်မိချင် လုပ်မိခဲ့ကြမှာပေါ့။
တချို့လူတွေဟာ သူ့တို့ဘ၀ ခိုင်မာမြင့်မားလာအောင် တစ်ရက်ချင်း တစ်ရက်ချင်း
တည်ဆောက်သွားကြတယ်။
တချို့လူတွေကျတော့ မျှော်လင့်ချက် အကြီးကြီးတွေ၊ စကားလုံး
အကြီးကြီးတွေနဲ့ အဝေးကြီးက မရောက်လာသေးတဲ့ အခွင့်အရေး တစ်စုံတစ်ရာကို
ထိုင်စောင့်ရင်း တစ်ရက်ပြီး တစ်ရက် ဖြုန်းတီး ပစ်လိုက်ကြတယ်။
တချို့လူတွေဟာ ရောက်လာတဲ့ နေ့တွေကို သူတို့အတွက် သက်သက်ပဲ သဘောထားကြတယ်။
တချို့လူတွေကတော့ ရောက်လာမယ့် နေ့တွေကို တခြား လူတွေအတွက်
အလုပ်လုပ်ပေးဖို့ ကြိုဆိုကြတယ်။
တချို့လူတွေက နေ့အသစ်တွေမှာ အတွေ့အကြုံ အသစ်တွေရှာတွေ့ကြတယ်။

တချို့လူတွေကျ ….
နေ့အသစ်တွေမှာ သံယောဇဉ် အသစ်တွေ ထပ်ရှာတွေ့တတ်ကြတယ်။

(စာမျက်နှာ-၈၃၊ အရိုး၊ အာရေဘီယံ ၃၃)

/* အထက်ပါ စာပိုဒ်ကလေးကတော့ စာရေးဆရာ အရိုးရဲ့ အာရေဘီယံ ၃၃ ဆိုတဲ့
စာအုပ်ထဲကဖြစ်ပါတယ်။ သဘောကျလို့ ကူးထားရာကနေ အားလုံးအတွက်
မျှဝေလိုက်ပါတယ်။
ဘယ်တချို့ထဲမှာ ဘာမလဲလို့ စဉ်းစားကြည့်တဲ့အခါမှာ ကျွန်မကတော့
အားလုံးသောတချို့ထဲမှာ ပါနေပါတော့တယ်။ */