ငပလီ February 7, 2010

ပြီးခဲ့တဲ့သုံးရက်က အလုပ်ကပို့ပေးတဲ့ တနှစ်တခါ trip အနေနဲ့ ငပလီကိုရောက်ဖြစ်တယ်။ အမှန်က ကျွန်မ beach တွေကို မကြိုက်လှဘူး။ တောင်တက်မလား ကမ်းခြေသွားမလားဆို တောင်တက်မယ်ပဲ ပြောခဲ့တာပါ။ ခု ငပလီရောက်မှ အဲဒီခံစားမှုလေး ပြောင်းသွားတယ်။ နောက်တခါဆို beach သွားမယ်လို့ပဲ ပြောဖြစ်မလားပဲ။ ကမ်းခြေဆိုရင် မော်လမြိုင်သူဖြစ်လို့ တစ်နှစ်တစ်ခါတော့ စက်စဲကမ်းခြေ ရောက်ဖြစ်တယ်။ မနှစ်ကတော့ ငွေဆောင် ရောက်တယ်။ ဒီလောက်ပဲ ရောက်ဖူးတာပါ။ ငပလီကတော့ တော်တော်လေးကိုလှတယ်။ သန့်လည်းသန့်တယ်။ လေလည်း သန့်တယ်။ ရေလည်းသန့်တယ်။ တော်တော်ကောင်းတဲ့ ခံစားမှုလေးရပါတယ်။ တည်းရတဲ့ Amazing hotel ကလည်း ကောင်းလို့ဖြစ်ပါလိမ့်မယ်။ အစစအဆင်ပြေပြီး စိတ်ချမ်းသာခဲ့တဲ့ နှစ်ညအိပ်ခရီးပါပဲ။ ပုံလေးတွေနည်းနည်းကြည့်ပါဦး။

လှပတဲ့ Amazing Hotel

ဒါကတော့ Amazing ကပေးတဲ့ဝန်ဆောင်မှုပေါ့။ ဦးထုပ်လေးရယ် နာမည်ရေးထားတဲ့ ဆွဲကြိုးရယ်


ကမ်းခြေမှာစီးဖို့ ဆင်တူဝယ်သွားပြီး ဟိုရောက်မှ ဘယ်တရံ ညာတရံ လဲစီးထားတဲ့ ရောင်စုံဖိနပ်ကလေးများ


ငြိမ်းငြိမ်းချမ်းချမ်း အေးအေးသာသာ

မနက်အစောကြီး နေထွက်ချိန် (ဒါပေမယ့် ဒါက အနောက်အရပ်)



ရေစီးကြောင်းအရိပ်နဲ့ လူအရိပ်



သီဖို့ ကောက်ဖြစ်ခဲ့တဲ့ ခရုလေးတွေ၊ ခုတော့ အိမ်မှာနေပူလှန်းထားတယ်



အပြန် သံတွဲလေဆိပ်အပြင်မှာ ရောင်းနေတဲ့ ကောက်ညှင်းထုပ်ပိစိလေးတွေ(၀ယ်တော့မ၀ယ်ခဲ့ရဘူး. ကုန်သွားလို့)



ဒီတခေါက်တော့ လှိုင်းတွေကို အားရပါးရကြည့်ပြီး သီချင်းလေးလည်း နားထောင်ဖူးသွားပြီ။ မသွားခင်တည နားထောင်ချင်တဲ့ သီချင်းတွေ selection လုပ်သွားမိတာ မှန်သွားတယ်။ မနက်အစောကြီးလည်း ရေထဲ ခြေချဖူးသွားပြီ။ လှိုင်းပုတ်သံလည်း သေချာနားထောင်ဖူးသွားပြီ။ ပင်လယ်ကြီးက လွတ်လပ်တယ်ဆိုတဲ့ ခံစားမှုအပြင် လွမ်းစရာကောင်းတယ်ဆိုတဲ့ ခံစားမှုပါ တွဲပေးတယ်။ အလိုလိုနေရင်းကို လွမ်းလာတာ။ ဘာကိုလွမ်းမှန်းကို မသိဘူး။ တက်ယ့ကိုလွမ်းလွမ်းဆွေးဆွေးပါပဲ။ တယောက်တည်း သွားရရင်တော့ ပျင်းစရာကောင်းမလားပဲ။ တခါလောက်လည်း တယောက်တည်း သွားကြည့်ချင်သေးတယ်။ နေ့လည် 11ခွဲအထိ ကမ်းခြေမှာ ခရု ကောက်နေတုန်း ညနေ 3နာရီရောက်တော့ အိမ်မှာ အမေနဲ့ စကားပြောနေပြီ။ မြန်လွန်းတော့ အိမ်မက်လိုပဲ။ နှစ်ရက်လောက် အိမ်မက်မက်ဖြစ်တယ်။ ခံစားချက်တချို့လည်း ပြောင်းလဲလာတယ်။ ဘယ်လိုလဲ ဘာလဲ ဆိုတာတော့ မပြောပြတော့ဘူး။ ချွင်းချက်ပေါ့။ နောက်တခေါက် ရောက်ချင်သေးတယ်။

အဖြစ် February 7, 2010

အချိန်ကြာကြာ စာဖတ်ချိန်မရမယ့် နေရာမျိုးဖြစ်ရင် ကဗျာစာအုပ်က ဖတ်ဖို့အလွန်ကို သင့်တော်ပါတယ်။ ကဗျာတွေက အများကြီးတဆက်တည်း ဖတ်ရရင် ထုံတုံတုံနဲ့ ခံစားရမကောင်းတော့ဘူး။ ဖြည်းဖြည်းနဲ့ နှစ်ပုဒ်လောက်ဖတ်လိုက်၊ နားလိုက် အဲလိုပုံစံမျိုးဖတ်မှ ခံစားလို့ကောင်းတယ်။ ကျွန်မအတွက်ပြောတာပါ။ သူများတွေတော့ ဘယ်လိုနေမယ်မသိ။
ခရီးသွားတဲ့အချိန်မှာ ယူသွားသင့်တဲ့စာအုပ်ဟာ ကဗျာစာအုပ်လို့ သတ်မှတ်ထားတဲ့ ကျွန်မအတွေး ဒီတခါလည်း မှန်ကန်ပြန်တယ်။ ဒီတခေါက်ခရီးက အပျော်ခရီးလည်းဖြစ် သူငယ်ချင်းတွေနဲ့လည်းဖြစ် ဆိုတော့ စာအုပ်သိပ်မလိုလောက်ဘူး ထင်ပေမယ့် လိုလိုမယ်မယ် ကြည်ဇော်အေး ကဗျာစာအုပ်ပါးပါးလေး သယ်သွားဖြစ်တယ်။ လှိုင်းပုတ်သံတွေနားထောင်ရင်း ကဗျာစာအုပ်ဖတ်ရတဲ့ အရသာလည်းမဆိုးပါဘူး။ ဖတ်ပြီးသားပေမယ့် အသစ်အသစ်သော ခံစားမှုတွေရတာပါပဲ။
အဲဒီအထဲက ဒီ အဖြစ် ဆိုတဲ့ ကဗျာလေးရောက်တော့ တခုခုကို သတိရသွားတယ်။ အရင်ဖတ်တုန်းက ဘယ်လိုမျိုးတွေးမိလဲ မမှတ်မိတော့ပေမယ့် ဒီတခေါက်တော့ ပြုံးချင်စရာလေး ဖြစ်သွားတယ်။ ဟုတ်ကဲ့.. ကျွန်မ တစ်ယောက်ယောက်ကို ရည်ရွယ်ချင်တာပါ.. ကဲ ဖတ်ကြည့်ပါဦးနော်..

အဖြစ်

ကိုယ့်ပိုင်နက်ထဲကိုယ်ပြန်ပိတ်မိနေရင်
ကိုယ့်ဦးနှောက်ကိုယ်ပြန်ဖောက်စားလိုက်
ကိုယ့်ထောင်ချောက်ကိုယ်ပြန်နင်းမိရင်
ကိုယ့်မျက်လုံးကိုယ်ပြန်ဖောက်ထုတ်လိုက်
ကိုယ့်စကားကိုယ်ဘယ်ရောက်သွားမှန်းမသိရင်
ကိုယ့်လျှာကိုယ်ပြန်ဖြတ်ပစ်လိုက်
သွေးခဲသေသွားတဲ့သေတမ်းစာဟာ
ဖြားယောင်းသွေးဆောင်ခံလိုက်ရတာ
အပင်းသွင်းခံလိုက်ရတာ
မီးကွင်းတွေထဲမှာချည်း
ခုန်ခုန်ပြနေတော့မှာလားအချစ်ရယ်
ဓါးသွားတွေပေါ်မှာချည်း
အိပ်အိပ်ပြနေတော့မှာလား အချစ်ရယ်
မင်းမလည်း ဝေ့လည်ကြောင်ပတ်
မင်းမလည်း ဘာနဲ့မှစားလို့မပြတ်
ကိုယ့်အပူနဲ့ကိုယ်
ကိုယ့်အယူနဲ့ကိုယ်
ကိုယ်လည်းမျှောချခဲ့ရတာပါပဲ အချစ်ရယ်
ကိုယ်လည်းလျှောချခဲ့ရတာပါပဲ အချစ်ရယ်။ ။

ကြည်ဇော်အေး

ခေတ် January 28, 2010

အသံတွေ ကြားနေတယ်.
အရုပ်တွေ ရှုပ်နေတယ်..

ဟိုး..နားမှာ.
ဈေးပေါပေါနဲ့ ဦးနှောက်တွေ လေလံပစ်နေတယ်ဆိုလား..

ရေအိုးခွဲသံနဲ့ ကြေးစည်နှက်သံ
နှလုံးသားတွေ မြေကျသွားကြောင်း ကမ္ဗည်းတစ်ခုတော့ တင်ထားလေရဲ့

ခေါင်းတိုင်ထိပ်က အခိုးအငွေ့တချို့ အဖြူရောင် စိတ်ဓါတ်တွေရဲ့ နောက်ဆုံးလက်ကျန်ပေလား..

ဒီ.. နားမှာ..
ရောင်းတန်းဝင်ဖို့ တန်းစီနေတဲ့ ဦးနှောက်တွေ
လက်တဖက်က နှလုံးသားကို ဆွဲဖြုတ်လို့..

အစိမ်းရောင်စက္ကူလည်ဆွဲ ရောင်စုံဝတ်စုံတွေနဲ့ မျက်နှာသေလူတွေကြား

အလန့်တကြား ငုံ့ကြည့်တော့..
ကျွန်မကိုယ်ပေါ်မှာ အမည်းရောင်ဝတ်ရုံနဲ့
ဘယ်ဘက်ရင်ဘတ်လည်း လှုပ်ရှားမှုကင်း….မဲ့…
ဈေးခပ်နိမ့်နိမ့် လေလံတင်ခံဦးနှောက်တခုမှာချိတ်ဆွဲထားတာက
မှတ်ပုံတင်ထဲက အရင်းနှီးဆုံးနာမည်…

ရောဂါရှိပုံပဲ January 14, 2010

ထင်ပေါ်မှုကို
ဆေးရှာသလို ရှာရင်း
ဘိန်းစွဲသလို စွဲနေတာ..

ဓါတ်လှေကားက ခိုးတက်ပြီး
အပေါ်အရင်ရောက်ကြောင်း
ကြွားချင်တာ..

အိမ်မက်တွေအထိ
မိတ္တူလိုက်ကူးပြီး
မူရင်းကိုပါ ဖျောက်ဖျက်ချင်တာ..

တခါတလေ
မူရင်းဖြစ်ခွင့်ရနေတာတောင်
ကြော်ငြာထိုးချင်နေတာ..

အကာကိုအရောင်ခြယ်
အတွင်းထဲလေမှုတ်ပြီး
ပွတတကြံစည်တာ..

နောက်ဆုံး..

ဘ၀ဆိုတာ အချစ်ရှိမှဆိုတာ..

သေချာတယ်. ရောဂါရှိပုံပဲ

သူမ January 10, 2010

ဖျတ် ဖျတ် ဖျတ်.. လိုလို ရွှက် ရွှက် ရွှက်.. လိုလို.. အ၀တ်စကိုဆွဲဆန့် တိုက်သွားသံ.. ဟိုအမျိုးသမီးဖြတ်သွားမှန်း မော့မကြည့်ဘဲနဲ့ အတတ်ပြောနိုင်တယ်။

ထမီကို တော်တော်ရှည်ရှည် ၀တ်ထားပြီး၊ ခြေလှမ်းကျဲကျဲနဲ့ လမ်းလျှောက်တိုင်း ထမီခတ်သံ ခပ်ကျယ်ကျယ် ထွက်နေတတ်တဲ့ အဲဒီအမျိုးသမီး။ လမ်းလျှောက်ပုံ မနွဲ့နှောင်းတဲ့အပြင် ရှပ်အကွက် လက်တိုတွေချည်း ၀တ်တတ်တဲ့ သူမကို သတိထားမိခါစက ဒီအမျိုးသမီးနှယ်.. ထမီခတ်သံကျယ်ကျယ်ထွက်နေမယ့်အစား ဂျင်းဘောင်းဘီရှည်နဲ့ဆိုရင် ပိုမကောင်းဘူးလား လို့တွေးမိသေးတယ်။ ဆံပင်ပုံစံကလည်း အရင်ခေတ်က ဂျူးလိယက်ပုံစံဆံပင်လို့ပဲ ပြောရလေမလား၊ နဖူးအလယ်တည့်တည့်ကခွဲထားပြီး ရှေ့နဲ့နောက် တညီတည်း၊ ခပ်ပျော့ပျော့စင်းစင်း။ အမြဲတမ်းလည်း ကျောပိုးအိတ်ခပ်ကြီးကြီးတစ်လုံးလွယ်လျက်သား။ သူမဆံပင်ပုံစံ၊ အ၀တ်အစားနဲ့ အဆင်အပြင်၊ လမ်းလျှောက်ပုံတွေက ဘာမှန်းမသိ တခုခုလွဲချော်နေသလိုလို။ မြင်ရတာ သိပ်အဆင်ပြေပြေတော့ မရှိလှဘူး။

အများတကာထက်ပိုကျယ်နေတဲ့ ထမီခတ်သံကြောင့် သူမကို သတိထားမိရာကစပြီး၊ ကြည့်ရတာ အဆင်မပြေလှပေမယ့် သူမဖြတ်သွားတိုင်း သတိထားကြည့်မိနေတတ်တာ အကျင့်တခု ဖြစ်ဖြစ်လာတယ်။ အမြဲတစေ ခပ်သုတ်သုတ် လျှောက်တတ်တဲ့ သူမခြေလှမ်းတွေနဲ့ သူမထမီရှည်ရှည်ကို ဘယ်တော့များ ခလုတ်တိုက်မိလေမလဲလို့ မဆီမဆိုင် စိတ်ပူတတ်လာတယ်။ မိုးတွင်းကာလတွေမှာရော သူမထမီရှည်ရှည်က ဒုက္ခမရောက်စေဘူးလား။ အမြဲတမ်း ဘာနဲ့မှမစည်းမနှောင်ထားတဲ့ ဆံပင်တွေကို ဘာရှန်ပူနဲ့များ လျှော်မှာပါလိမ့်။

တနေ့ကတော့ သူမတစ်ယောက်တည်း အုတ်ခုံလေးမှာထိုင်ရင်း mp4 ကို speaker ဖွင့်ရင်းနားထောင်နေပုံရတယ်။ ‘Cause I’m keeping you
forever and for always
We will be together all of our day
Wanna wake up every
morning to your sweet face–always
အာ.. shania Twain ရဲ့ forever and for always သီချင်းပဲ။ သူမ country သီချင်းလေးတွေကြိုက်တတ်သလား။ ဒါဆို သူမလွယ်ထားတဲ့ ကျောပိုးအိတ်ထဲမှာရော ဘာစာအုပ်တွေများ ပါမှာပါလိမ့်။ သူမ အားလပ်ချိန်တွေမှာ ဘာတွေလုပ်ပြီး ကုန်ဆုံးပါလိမ့်။ စာအုပ်မဖတ်ရဘဲ မအိပ်တတ်တဲ့အကျင့်၊ သီချင်းနားမထောင်ရဘဲ မအိပ်တတ်တဲ့အကျင့်ရော သူမမှာ ရှိလေမလား။

ဘာမဆိုင် ညာမဆိုင် ထမီခတ်သံကျယ်ကျယ်တခုကနေ ခေါင်းထဲက အတွေးအခေါ်တွေအထိပါ စိတ်ဝင်စားလာလိုက်တာ ညဘက် အိပ်ချိန်မှာတောင် အ၀တ်စချင်းပွတ်တိုက်သံက ဂီတသံဖြစ်လို့၊ သူမဆံပင်ကို ကျစ်ဆံမြီးကျစ်ပေးနေပုံအထိ စိတ်မကူးဖူးပါဘဲ မြင်မက်နေပါတော့တယ်။

ပျာယီးပျာယာ .. သုတ်သီးသုတ်ပျာ.. January 4, 2010

ဟိုဘက်တံခါးက ထွက်လာတယ်.. ပျာယီးပျာယာ..

ဒီဘက်တံခါးထဲ ထပ်ဝင်တယ်.. သုတ်သီးသုတ်ပျာ..

ပျာယီးပျာယာနဲ့ တချို့တချို့ကို မေ့ကျန်တယ်..

သုတ်သီးသုတ်ပျာနဲ့ မလိုတာတွေ ယူလာတယ်..

ဟိုဘက်တံခါးထဲမှာ ဘာမှန်းမသိ ပျာယီးပျာယာနိုင်လွန်းတယ်..

ဒီဘက်အ၀င်တော့ နားနေတာတောင် သုတ်သီးသုတ်ပျာ..

ဟူး……….

အဖြစ်သနစ် November 20, 2009

ဟိုလို ဒီလိုတွေ မင်းသိပ်မလုပ်နဲ့… ကောင်မလေး မင်းသိပ်ရှုပ်တယ်… နေပူလှန်းထားတတ်တယ်..
……………………
အချိန်တွေကုန်လာပြီ.. ငါလုံးဝနှမြောတယ်.. ငါလေလုံးဝမောတယ်…..

ဟင်း.. ငါ့များစောင်းဆိုသလား မှတ်ရတယ်.. ဒီသီချင်းကလည်း နော်..
Japanese Language Proficiency Test(JLPT)ကလည်း ဒီဇင်ဘာ ၆ရက်နေ့ ဖြေရမယ်၊ တစ်နှစ်နီးပါးလေ့လာထားပြီး စာမေးပွဲကျပြန်ရင် အရှက်ကကွဲဦးမယ်။
အလုပ်တွေကလည်း အောက်တိုဘာ၊ နိုဝင်ဘာမှ များလိုက်တာ။ ဖတ်ဖတ်ကိုမော၊ ရင်ဘတ်နောက်ကကျောပဲ။
စာကျက်ခြင်းအမှုကိစ္စကို နိုဝင်ဘာတစ်လလုံး ဖိဖိစီးစီးလုပ်ပါမယ် ဆိုနေကာမှ…….

မပြန်မဖြစ်နဲ့ ဇာတိချက်ကြွေ မော်လမြိုင်မြေကို ပြန်သွားရသေးတယ်။ ၃နှစ်လောက် မရောက်ဖြစ်တဲ့အတွက် ရသလောက်အချိန်အတွင်း ရနိုင်သမျှ သူငယ်ချင်းနဲ့တွေ့၊ စားချင်တာတွေ လိုက်စား၊ ဓါတ်ပုံတွေလည်း ရိုက်ခဲ့သေးတယ်။ လိုင်းကား ဆွဲနေတဲ့ ချက်ပလက် ကားကြီးတွေ၊ တောင်ပေါ်ကလှမ်းမြင်တဲ့ ရှုခင်းတွေ၊ သံလွင်တံတားကြီး၊ စာမေးပွဲပြီးမှပဲ ဓါတ်ပုံတွေ တင်တော့မယ်။

ပြန်လာတော့လည်း ဧည့်သည်တွေက ပါလာပြန်ရော။ တစ်ယောက်တည်းပဲ စာကျက်တတ်တော့ ဒုက္ခရောက်ရော၊ ဧည့်သည်တွေရှိတော့ စာမကျက်ဖြစ်၊ ဘာမှလည်း မလုပ်ဖြစ်၊ နဂိုကလည်း မကျက်ထား။ ရွှေ့ထားတာ မှန်သမျှ ဘယ်ဟာမှ မကောင်းပါလား။ ခု ကြည့်လေ.. စာကျက်ဖို့ကို အရွှေ့ကောင်းလို့ ကျက်မယ်ဆိုတော့ အားကိုမအားတော့ဘူး. အချိန်ရှိတုန်း မလုပ်ဘဲနဲ့။ ပြောသာပြောရတယ်.. အမြဲဒီအတိုင်းပါပဲ။

အိမ်ပြန်တာနဲ့ အလုပ်ရှုပ်တာနဲ့ ကြားထဲက၊ အင်တာနက် ကွန်နက်ရှင် မကောင်းတဲ့ အရပ်ဒေသကို ရောက်နေပြန်ရော.. ဟင်း.. ဘယ်တွေ ဘယ်လိုဖြစ်လို့.. ဘာတွေလုပ်နေကြမှန်းတောင် မသိတော့ဘူး။ ဧရိယာပြင်ပရောက်ပုံများ။ မေးလ်လေးတောင်မှ မစစ်ဖြစ်သလောက်ပဲ။

တတ်နိုင်ဘူးဟယ်.. တတ်နိုင်သလောက်ပေါ့..
တခြားကိစ္စ၀ိစ္စတွေ အားလုံးခဏရပ်။ နှစ်ပတ်လောက် စာပဲလုပ်လိုက်ဦးမယ်။
ဒီဇင်ဘာ ၆၊ စာမေးပွဲပြီးမှ ………………………….

ကြည်ဇော်အေးရဲ့ အပြောင်းအရွှေ့အရောင်းအ၀ယ် October 28, 2009

ကျွန်မအိမ်လေးကို လာလာလည်ကြတဲ့ တချို့တချို့တွေက ပြောပါတယ်။ သူများကဗျာတွေ မတင်ပါနဲ့တဲ့။ ကျွန်မကလည်း ဖတ်မိပြီး ကြိုက်ရင် သူများကိုလည်း ဖတ်ကြည့်စေချင်ရော။ နောက်ပိုင်းလည်း ကျွန်မ ကဗျာပဲ အဖတ်များတာကိုး။ ဒီတော့ ခဏခဏ ကြိုက်တဲ့ကဗျာတွေ့၊ တင်ချင်၊ တင်မိရော။
ဘာကြောင့်ကြိုက်လဲ ဆိုတဲ့ ကွန်မန့်လေးတော့ ရေးချင်သား။ ဒါပေမယ့် လာဖတ်တဲ့သူ ခံစားမှုမှာ အကန့်အသတ်ဖြစ်မှာစိုးတယ်။ ကျွန်မကိုယ်တိုင်ကလည်း ကဗျာဖတ်ရင် ကျွန်မကြိုက်သလို ရှုထောင့်က ခံစားပြီးဖတ်တာကိုး။ ဒီတခေါက် ဒီခံစားချက်ပေမယ့် နောက်တခေါက် တူချင်မှတောင် တူမှာ။ ဒီတော့ အကန့်အသတ်ဖြစ်စေမယ့် ကွန်မန့်တွေတော့ မရေးတော့ပါဘူး။ အဆင်ပြေသလို၊ နှစ်သက်သလိုသာ ခံစားသွားကြပါ။ ကျွန်မကတော့ ဖတ်တဲ့အချိန်မှာ နှုတ်ခမ်းနည်းနည်းတွန့်ဖြစ်သွားတဲ့ ကဗျာလေးတွေ ခုတလော ကြိုက်နေတယ်။ ဆရာ ကြည်ဇော်အေးရဲ့ အပြောင်းအရွှေ့အရောင်းအ၀ယ်တဲ့။ ဖတ်သွားပါဦး။

*******************************************

အပြောင်းအရွှေ့ အရောင်းအ၀ယ်

ဘာတဲ့
ရင်ကိုလာမှန်သော အနုပညာပစ္စည်းများဆိုလား
ဖွင့်ရင်းဖွင့်ရင်း လည်ပင်းပြတ်ထွက်သွားတဲ့ ပုလင်းတစ်လုံး
ဖွင့်ရင်းဖွင့်ရင်း ထစ်ထစ်သွားတဲ့ စီဒီတစ်ချပ်
မှားသွားလည်း
ပါးအရိုက်ခံရရုံအပြင် ပိုမရှိပါဘူးတဲ့ ခံယူချက်က
သူငယ်ချင်းတွေရဲ့ အခန်းတံခါးတွေလိုက်ခေါက်
သူငယ်ချင်းတွေရဲ့ ဖုန်းနံပါတ်တွေလျှောက်နှိပ်
ဒီလိုပဲနေသွားတော့မှာလားဆိုတဲ့ မေးခွန်းအတွက်
ဒီလိုမနေလို့
ဒီလိုမနေနဲ့ ဒီလိုနေဆိုတဲ့ ပုံလေးဆွဲပြပါလား
စလုံးမှာဆိုတော့ လန်းမှာပေါ့
ယပလက်မှာဆိုတော့ လန်းမှာပေါ့
ဒီမှာတော့ ဒါပဲဆိုတော့ နွမ်းနေရတာပေါ့
နောက်ဆို ယောင်လို့တောင် မယောင်မိအောင်
သတိထားရမယ့် ဖန်ခွက်တစ်ခွက်
နောက်ဆို ယောင်လို့တောင် မယောင်မိအောင်
သတိထားရမယ့် အထုပ်တစ်ထုပ်
ကိုယ်လည်းကြိုးစားပြီး လက်ဝါးဖြန့်နေတာပဲ
ကိုယ်လည်းကြိုးစားပြီး လက်သီးဆုပ်ထားတာပဲ
ဒီကြားထဲက လွတ်ထွက်သွားသေးတယ်
ဒီကြားထဲက လျှောကျသွားသေးတယ်
ဘယ်ကြားထဲက ပြုတ်ကျသွားဦးမှာလဲ မပြောတတ်ဘူး
အပေါ်ကနေမလား ဖြစ်ချင်ရာဖြစ်
အောက်ကနေမလား ဖြစ်ချင်ရာဖြစ်
ပေါက်ဈေးကတော့ ဒိုင်ဘက်က အသာစီးယူထားပြီးသား
တစ်ရာသီလုံး
အိမ်ကွင်းရှုံးပွဲမရှိစံချိန်
တစ်ရာသီလုံး
အဝေးကွင်းနိုင်ပွဲမရှိစံချိန်
ဘာတဲ့
ကိုယ်လည်း တစ်ရာသီလုံး အရန်ခုံပေါ်ထိုင်ခဲ့ရတဲ့စံချိန်။        ။

ကြည်ဇော်အေး
20-7-2008
(ကဗျာဆရာ၊ ကဗျာအယူအဆနှင့် ကဗျာရေးခြင်း စာအုပ်မှ….)

ထူးဆန်းသော.. October 23, 2009

ထွေးပွေ့ထားဖို့ မလိုဘူး..
လက်ကမ်းပေးဖို့ မလိုဘူး..
ပုခုံးတဖက်လည်း မလိုဘူး..
အပြုံးတချက်လည်း မလိုဘူး..

ခပ်ထေ့ထေ့မျက်နှာပေးနဲ့
ငါ့ပုခုံးကို လွှတ်ခနဲ ဆုပ်လိုက်တဲ့
အဲဒီအပြုအမူကသာ
ငါ့အတွက် အားအင် အစစ်ဖြစ်စေတယ်။

ခေတ်လူငယ်များနှင့် ခေတ်ပေါ်ရောဂါ October 21, 2009

တနေ့က ကျွန်မ gmail status message မှာ “စိတ်ဓါတ်အ၀ီစိထိရောက်နေပါသည်.” လို့တင်ထားမိတယ်။ တကယ်လည်း ကိုယ့်ကိုယ်ကို ဒေါသထွက်၊ အပြစ်တင်၊ အားမလိုအားမရဖြစ်ရင်း မုန်းတဲ့အဆင့်ရောက်လာလို့ Fall in Hell ဆိုတဲ့ပို့စ်လေးတောင် ရေးဖြစ်ပါရောလား။ ကျွန်မက ကျွန်မတစ်ယောက်လည်း အလိုမကျဖြစ်နေတယ် မှတ်တာ။ ဘယ်ဟုတ်ပါ့မလဲ။ တခြားမကြည့်နဲ့ gmail status message တွေမှာတင် စိတ်ဓါတ်ကျသံပါတဲ့ message တွေပုံလို့။ online မှာလည်း ဟိုလူက စိတ်တွေလေ၊ ဒီလူက စိတ်တွေလွင့်နဲ့။ ခေါင်းကိုက်ရတာနဲ့၊ မျက်မှောင်ကြုတ်ထားရတာနဲ့။ အမြင်ပုံစံအရတော့ ကျွန်မတို့အားလုံး ရယ်မောပျော်ရွှင်နိုင်နေသေးတာပဲ။ ဒါပေမယ့် ရယ်မောနေတာနဲ့အတူ အလိုမကျခြင်းတွေက တွဲပါနေကြတယ်။ ဘာလို့များပါလိမ့်။

ဒီခေတ်ကြီးထဲမှာ အသက်ရှင်နေရတဲ့ ကျွန်မတို့မှာ လိုချင်တာတွေ၊ ဖြစ်ချင်တာတွေ သိပ်များလာတာကိုး။ လူဆိုကတည်းက လိုချင်တာတွေ၊ ဖြစ်ချင်တာတွေနဲ့ တွဲနေတာပါပဲ။ ခုခေတ်ထဲမှာက ပိုများလာတာပဲ ရှိတယ်။ ရည်မှန်းချက်တွေ သိပ်ကြီးလာကြတယ်။ အမြင်တွေပွင့်လာကြတယ်။ သူများတော်တာတွေကို မြင်လာကြတယ်။ အားကျလာကြတယ်။ ဖြစ်ချင်လာကြတယ်။ နောက်ကျန်ခဲ့ရမှာ ရှက်တတ်လာကြတယ်။ ကိုယ်ကိုယ်တိုင်တော့ သိပ်ပြီး ရည်မှန်းချက်တွေ မရှိဘူးဆိုဦးတော့ အဲဒီလို ဖြစ်နေတဲ့ အသိုင်းအ၀ိုင်းကြားရောက်ရင် အလိုလိုရောပါသွားရပြန်ရော။ သူများတွေ ဒါလုပ်တတ်တယ်။ ငါကမတတ်ဘူး။ အဲဒီလိုဆိုရင် အားငယ်လာရော။ သူများတွေ ဒီလိုဖြစ်တယ်။ ငါဘာလို့ မဖြစ်ရမှာလဲ။ အဲဒီလိုဆိုပြန်တော့ မအေးချမ်းနိုင်ပြန်တော့ဘူး။ ခုခေတ်ကြီးမှာကလည်း အလုပ်ထဲမှာလည်း အလုပ်ထဲမှာမို့၊ ပညာရေးလည်း ပညာရေးမို့၊ နေရာအစုံမှာ လိုက်လို့မကုန်၊ လိုချင်လို့ကိုမဆုံးနိုင်ကြဘူး။

သူများနဲ့မယှဉ်နဲ့၊ ကိုယ့်ကိုယ်ကိုနဲ့ပဲယှဉ်ဆိုတဲ့စကားလေးက ဟိုးအရင်ကတည်းက ကျွန်မတို့ကြားဖူးပြီးသား၊ သိဖူးပြီးသားပါ။ ကျွန်မတို့ မေ့မေ့နေကြတာပါ။ မမေ့ဘဲ ခံနိုင်ရိုးလား။ ကိုယ့်မျက်စိရှေ့မှာ သူများတွေ တော်နေ၊ ကျော်နေတာတွေ မြင်နေရ၊ ကြားနေရတယ်လေ။ အားကျနေရတယ်လေ။ သူနဲ့မယှဉ်ပါဘူးဆိုရင်တောင် အားကျရာကနေ အလိုလိုယှဉ်မိသလို ဖြစ်သွားရော။ သူများတွေကိုကြည့်ရင်း အားကျရာကနေ အားငယ်လာရော၊ စိတ်ဓါတ်ကျလာရော။

ကျွန်မတို့ နည်းနည်းလောက် လှည့်စဉ်းစားကြည့်ကြမယ်။ မနေ့ကကျွန်မနဲ့ ဒီနေ့ကျွန်မဘာကွာလဲ။ လွန်ခဲ့တဲ့နှစ်ကနဲ့ ဒီနှစ်ကနဲ့ ဘာတွေများပိုတတ်လာပြီလဲ။ ဘာတွေများတိုးတက်လာပြီလဲ။ သူများတော်လာတာ မကြည့်ဘဲ ကိုယ့်ဘာသာပဲ ကြည့်ကြည့်ရအောင်။ ကျွန်မထင်ပါတယ်။ ကျွန်မတို့တွေ နည်းနည်းလေးတော့ မတိုးတက်လာပဲ မနေပါဘူး။ ဒါပေမယ့် အဲဒါကလည်း ဒီလောက်အခြေအနေနဲ့က ဒီလောက်ပဲ တိုးတက်စရာလား။ တွန်းလို့ ရွေ့တာလား။ တွန်းပေးတဲ့အရှိန်ကိုရော အသုံးချဖြစ်ရဲ့လား။ ပြန်စဉ်းစားရပါဦးမယ်။ အဲဒီလိုကျရင် “ဟင်.. ငါအများကြီးဖြစ်လာသင့်ရက်သား”နဲ့ ဆိုတာမျိုး ကိုယ်အသုံးမကျခဲ့တာတွေ မြင်လာဦးမယ်။ မြင်ကိုမြင်မှာ။ လူဆိုတာမျိုးကလည်း မရခင်ကသာ 50ရရင်တော်ပြီ။ ဟော.. 50လည်းရပြီးရော ငါ 100ရရမှာဆိုတဲ့စိတ် ဖြစ်သွားရော။ လိုချင်တာတွေ၊ ဖြစ်ချင်တာတွေလည်း ခဏခဏ ဖြစ်ဖူး၊ ရဖူးကြတာပဲ။ အဲဒီအချိန်လည်း ပျော်ဖူးကြတာပဲ။ ဒီကြားထဲ မတင်းမတိမ်နဲ့ ခဏခဏလည်း စိတ်ဓါတ်ကျနေကြတာပဲ။ ဒီတော့ မရောင့်ရဲနိုင်သရွေ့ ကိုယ့်ကိုယ်ကို အပြစ်တင်နေမိဦးမှာပဲ။

ရှိသေးတယ် နောက်တမျိုး။ ဒီခေတ်ကြီးမှာ ကျွန်မတို့အားလုံးက အလုပ်လည်းလုပ်ရ၊ ဟိုသင်တန်းဒီသင်တန်းလည်း ပြေးတက်ရနဲ့။ ခန္ဓာကိုယ်က ခံနိုင်သ၍ မနားနိုင်ဘဲ နေကြတယ်။ တဖြည်းဖြည်းနဲ့ စိတ်ကို အနားပေးတဲ့အချိန် ရှားပါးလာတယ်။ ပစ္စည်းတောင် ကုန်တတ်သေးတာပဲ။ စိတ်လည်း ပင်ပန်းလာတော့ အရည်အသွေးတွေလည်း ကျလာတယ်။ အလိုလို စိတ်တိုလာတယ်။ စိတ်တွေလေလာတယ်။ လွင့်လာတယ်။ အလိုမကျဖြစ်လာတယ်။

ကဲ.. သူများနဲ့လည်း မယှဉ်ဘူး။ တော်ပြီ ကိုယ်ရသရွေ့လေးနဲ့ပဲနေတော့မယ်။ နားနားနေနေပဲ။ အဲဒီလိုဆိုရင်ရော။ ဒီခေတ်ကြီးထဲမှာ အသက်ရှင်ဖို့တောင် ခက်သွားဦးမယ်။ ဘယ်ရမလဲ။ အောက်ဆုံးမှာ ပြားပြားလေး ဖြစ်နေမှာပေါ့။ ကြိုးစားကို ကြိုးစားရမယ်။ ရုန်းကို ရုန်းကန်ရမယ်။ ဟော.. ဟော.. အပေါ်ကအဆင့်တွေ ပြန်ရောက်ပြန်သွားပြီ။ ဒါကြောင့်ပြောပါတယ်။ ခေတ်ရောဂါပါလို့။ ရေပန်းအစားဆုံး ခေတ်ရောဂါပါဆို။ ကျွန်မတို့က ဒီလိုခေတ်မှာမှ လူဖြစ်နေကြတာကိုး။ ဒီတော့…….

ခင်ဗျားချည်းပဲ စိတ်ဓါတ်ကျတယ် မထင်ပါနဲ့။ ခင်ဗျားချည်းလည်း ပင်ပန်းတယ် မထင်ပါနဲ့။ ခင်ဗျားချည်းပဲ အလိုမကျတယ် မထင်ပါနဲ့။ ခင်ဗျားချည်းပဲ အသုံးမကျဘူး မထင်ပါနဲ့။ ကျွန်တော်တို့လည်း တူတူပါပဲ။