ဟိုလို ဒီလိုတွေ မင်းသိပ်မလုပ်နဲ့… ကောင်မလေး မင်းသိပ်ရှုပ်တယ်… နေပူလှန်းထားတတ်တယ်..
……………………
အချိန်တွေကုန်လာပြီ.. ငါလုံးဝနှမြောတယ်.. ငါလေလုံးဝမောတယ်…..

ဟင်း.. ငါ့များစောင်းဆိုသလား မှတ်ရတယ်.. ဒီသီချင်းကလည်း နော်..
Japanese Language Proficiency Test(JLPT)ကလည်း ဒီဇင်ဘာ ၆ရက်နေ့ ဖြေရမယ်၊ တစ်နှစ်နီးပါးလေ့လာထားပြီး စာမေးပွဲကျပြန်ရင် အရှက်ကကွဲဦးမယ်။
အလုပ်တွေကလည်း အောက်တိုဘာ၊ နိုဝင်ဘာမှ များလိုက်တာ။ ဖတ်ဖတ်ကိုမော၊ ရင်ဘတ်နောက်ကကျောပဲ။
စာကျက်ခြင်းအမှုကိစ္စကို နိုဝင်ဘာတစ်လလုံး ဖိဖိစီးစီးလုပ်ပါမယ် ဆိုနေကာမှ…….

မပြန်မဖြစ်နဲ့ ဇာတိချက်ကြွေ မော်လမြိုင်မြေကို ပြန်သွားရသေးတယ်။ ၃နှစ်လောက် မရောက်ဖြစ်တဲ့အတွက် ရသလောက်အချိန်အတွင်း ရနိုင်သမျှ သူငယ်ချင်းနဲ့တွေ့၊ စားချင်တာတွေ လိုက်စား၊ ဓါတ်ပုံတွေလည်း ရိုက်ခဲ့သေးတယ်။ လိုင်းကား ဆွဲနေတဲ့ ချက်ပလက် ကားကြီးတွေ၊ တောင်ပေါ်ကလှမ်းမြင်တဲ့ ရှုခင်းတွေ၊ သံလွင်တံတားကြီး၊ စာမေးပွဲပြီးမှပဲ ဓါတ်ပုံတွေ တင်တော့မယ်။

ပြန်လာတော့လည်း ဧည့်သည်တွေက ပါလာပြန်ရော။ တစ်ယောက်တည်းပဲ စာကျက်တတ်တော့ ဒုက္ခရောက်ရော၊ ဧည့်သည်တွေရှိတော့ စာမကျက်ဖြစ်၊ ဘာမှလည်း မလုပ်ဖြစ်၊ နဂိုကလည်း မကျက်ထား။ ရွှေ့ထားတာ မှန်သမျှ ဘယ်ဟာမှ မကောင်းပါလား။ ခု ကြည့်လေ.. စာကျက်ဖို့ကို အရွှေ့ကောင်းလို့ ကျက်မယ်ဆိုတော့ အားကိုမအားတော့ဘူး. အချိန်ရှိတုန်း မလုပ်ဘဲနဲ့။ ပြောသာပြောရတယ်.. အမြဲဒီအတိုင်းပါပဲ။

အိမ်ပြန်တာနဲ့ အလုပ်ရှုပ်တာနဲ့ ကြားထဲက၊ အင်တာနက် ကွန်နက်ရှင် မကောင်းတဲ့ အရပ်ဒေသကို ရောက်နေပြန်ရော.. ဟင်း.. ဘယ်တွေ ဘယ်လိုဖြစ်လို့.. ဘာတွေလုပ်နေကြမှန်းတောင် မသိတော့ဘူး။ ဧရိယာပြင်ပရောက်ပုံများ။ မေးလ်လေးတောင်မှ မစစ်ဖြစ်သလောက်ပဲ။

တတ်နိုင်ဘူးဟယ်.. တတ်နိုင်သလောက်ပေါ့..
တခြားကိစ္စ၀ိစ္စတွေ အားလုံးခဏရပ်။ နှစ်ပတ်လောက် စာပဲလုပ်လိုက်ဦးမယ်။
ဒီဇင်ဘာ ၆၊ စာမေးပွဲပြီးမှ ………………………….

ကျွန်မအိမ်လေးကို လာလာလည်ကြတဲ့ တချို့တချို့တွေက ပြောပါတယ်။ သူများကဗျာတွေ မတင်ပါနဲ့တဲ့။ ကျွန်မကလည်း ဖတ်မိပြီး ကြိုက်ရင် သူများကိုလည်း ဖတ်ကြည့်စေချင်ရော။ နောက်ပိုင်းလည်း ကျွန်မ ကဗျာပဲ အဖတ်များတာကိုး။ ဒီတော့ ခဏခဏ ကြိုက်တဲ့ကဗျာတွေ့၊ တင်ချင်၊ တင်မိရော။
ဘာကြောင့်ကြိုက်လဲ ဆိုတဲ့ ကွန်မန့်လေးတော့ ရေးချင်သား။ ဒါပေမယ့် လာဖတ်တဲ့သူ ခံစားမှုမှာ အကန့်အသတ်ဖြစ်မှာစိုးတယ်။ ကျွန်မကိုယ်တိုင်ကလည်း ကဗျာဖတ်ရင် ကျွန်မကြိုက်သလို ရှုထောင့်က ခံစားပြီးဖတ်တာကိုး။ ဒီတခေါက် ဒီခံစားချက်ပေမယ့် နောက်တခေါက် တူချင်မှတောင် တူမှာ။ ဒီတော့ အကန့်အသတ်ဖြစ်စေမယ့် ကွန်မန့်တွေတော့ မရေးတော့ပါဘူး။ အဆင်ပြေသလို၊ နှစ်သက်သလိုသာ ခံစားသွားကြပါ။ ကျွန်မကတော့ ဖတ်တဲ့အချိန်မှာ နှုတ်ခမ်းနည်းနည်းတွန့်ဖြစ်သွားတဲ့ ကဗျာလေးတွေ ခုတလော ကြိုက်နေတယ်။ ဆရာ ကြည်ဇော်အေးရဲ့ အပြောင်းအရွှေ့အရောင်းအ၀ယ်တဲ့။ ဖတ်သွားပါဦး။

*******************************************

အပြောင်းအရွှေ့ အရောင်းအ၀ယ်

ဘာတဲ့
ရင်ကိုလာမှန်သော အနုပညာပစ္စည်းများဆိုလား
ဖွင့်ရင်းဖွင့်ရင်း လည်ပင်းပြတ်ထွက်သွားတဲ့ ပုလင်းတစ်လုံး
ဖွင့်ရင်းဖွင့်ရင်း ထစ်ထစ်သွားတဲ့ စီဒီတစ်ချပ်
မှားသွားလည်း
ပါးအရိုက်ခံရရုံအပြင် ပိုမရှိပါဘူးတဲ့ ခံယူချက်က
သူငယ်ချင်းတွေရဲ့ အခန်းတံခါးတွေလိုက်ခေါက်
သူငယ်ချင်းတွေရဲ့ ဖုန်းနံပါတ်တွေလျှောက်နှိပ်
ဒီလိုပဲနေသွားတော့မှာလားဆိုတဲ့ မေးခွန်းအတွက်
ဒီလိုမနေလို့
ဒီလိုမနေနဲ့ ဒီလိုနေဆိုတဲ့ ပုံလေးဆွဲပြပါလား
စလုံးမှာဆိုတော့ လန်းမှာပေါ့
ယပလက်မှာဆိုတော့ လန်းမှာပေါ့
ဒီမှာတော့ ဒါပဲဆိုတော့ နွမ်းနေရတာပေါ့
နောက်ဆို ယောင်လို့တောင် မယောင်မိအောင်
သတိထားရမယ့် ဖန်ခွက်တစ်ခွက်
နောက်ဆို ယောင်လို့တောင် မယောင်မိအောင်
သတိထားရမယ့် အထုပ်တစ်ထုပ်
ကိုယ်လည်းကြိုးစားပြီး လက်ဝါးဖြန့်နေတာပဲ
ကိုယ်လည်းကြိုးစားပြီး လက်သီးဆုပ်ထားတာပဲ
ဒီကြားထဲက လွတ်ထွက်သွားသေးတယ်
ဒီကြားထဲက လျှောကျသွားသေးတယ်
ဘယ်ကြားထဲက ပြုတ်ကျသွားဦးမှာလဲ မပြောတတ်ဘူး
အပေါ်ကနေမလား ဖြစ်ချင်ရာဖြစ်
အောက်ကနေမလား ဖြစ်ချင်ရာဖြစ်
ပေါက်ဈေးကတော့ ဒိုင်ဘက်က အသာစီးယူထားပြီးသား
တစ်ရာသီလုံး
အိမ်ကွင်းရှုံးပွဲမရှိစံချိန်
တစ်ရာသီလုံး
အဝေးကွင်းနိုင်ပွဲမရှိစံချိန်
ဘာတဲ့
ကိုယ်လည်း တစ်ရာသီလုံး အရန်ခုံပေါ်ထိုင်ခဲ့ရတဲ့စံချိန်။        ။

ကြည်ဇော်အေး
20-7-2008
(ကဗျာဆရာ၊ ကဗျာအယူအဆနှင့် ကဗျာရေးခြင်း စာအုပ်မှ….)

ထွေးပွေ့ထားဖို့ မလိုဘူး..
လက်ကမ်းပေးဖို့ မလိုဘူး..
ပုခုံးတဖက်လည်း မလိုဘူး..
အပြုံးတချက်လည်း မလိုဘူး..

ခပ်ထေ့ထေ့မျက်နှာပေးနဲ့
ငါ့ပုခုံးကို လွှတ်ခနဲ ဆုပ်လိုက်တဲ့
အဲဒီအပြုအမူကသာ
ငါ့အတွက် အားအင် အစစ်ဖြစ်စေတယ်။

တနေ့က ကျွန်မ gmail status message မှာ “စိတ်ဓါတ်အ၀ီစိထိရောက်နေပါသည်.” လို့တင်ထားမိတယ်။ တကယ်လည်း ကိုယ့်ကိုယ်ကို ဒေါသထွက်၊ အပြစ်တင်၊ အားမလိုအားမရဖြစ်ရင်း မုန်းတဲ့အဆင့်ရောက်လာလို့ Fall in Hell ဆိုတဲ့ပို့စ်လေးတောင် ရေးဖြစ်ပါရောလား။ ကျွန်မက ကျွန်မတစ်ယောက်လည်း အလိုမကျဖြစ်နေတယ် မှတ်တာ။ ဘယ်ဟုတ်ပါ့မလဲ။ တခြားမကြည့်နဲ့ gmail status message တွေမှာတင် စိတ်ဓါတ်ကျသံပါတဲ့ message တွေပုံလို့။ online မှာလည်း ဟိုလူက စိတ်တွေလေ၊ ဒီလူက စိတ်တွေလွင့်နဲ့။ ခေါင်းကိုက်ရတာနဲ့၊ မျက်မှောင်ကြုတ်ထားရတာနဲ့။ အမြင်ပုံစံအရတော့ ကျွန်မတို့အားလုံး ရယ်မောပျော်ရွှင်နိုင်နေသေးတာပဲ။ ဒါပေမယ့် ရယ်မောနေတာနဲ့အတူ အလိုမကျခြင်းတွေက တွဲပါနေကြတယ်။ ဘာလို့များပါလိမ့်။

ဒီခေတ်ကြီးထဲမှာ အသက်ရှင်နေရတဲ့ ကျွန်မတို့မှာ လိုချင်တာတွေ၊ ဖြစ်ချင်တာတွေ သိပ်များလာတာကိုး။ လူဆိုကတည်းက လိုချင်တာတွေ၊ ဖြစ်ချင်တာတွေနဲ့ တွဲနေတာပါပဲ။ ခုခေတ်ထဲမှာက ပိုများလာတာပဲ ရှိတယ်။ ရည်မှန်းချက်တွေ သိပ်ကြီးလာကြတယ်။ အမြင်တွေပွင့်လာကြတယ်။ သူများတော်တာတွေကို မြင်လာကြတယ်။ အားကျလာကြတယ်။ ဖြစ်ချင်လာကြတယ်။ နောက်ကျန်ခဲ့ရမှာ ရှက်တတ်လာကြတယ်။ ကိုယ်ကိုယ်တိုင်တော့ သိပ်ပြီး ရည်မှန်းချက်တွေ မရှိဘူးဆိုဦးတော့ အဲဒီလို ဖြစ်နေတဲ့ အသိုင်းအ၀ိုင်းကြားရောက်ရင် အလိုလိုရောပါသွားရပြန်ရော။ သူများတွေ ဒါလုပ်တတ်တယ်။ ငါကမတတ်ဘူး။ အဲဒီလိုဆိုရင် အားငယ်လာရော။ သူများတွေ ဒီလိုဖြစ်တယ်။ ငါဘာလို့ မဖြစ်ရမှာလဲ။ အဲဒီလိုဆိုပြန်တော့ မအေးချမ်းနိုင်ပြန်တော့ဘူး။ ခုခေတ်ကြီးမှာကလည်း အလုပ်ထဲမှာလည်း အလုပ်ထဲမှာမို့၊ ပညာရေးလည်း ပညာရေးမို့၊ နေရာအစုံမှာ လိုက်လို့မကုန်၊ လိုချင်လို့ကိုမဆုံးနိုင်ကြဘူး။

သူများနဲ့မယှဉ်နဲ့၊ ကိုယ့်ကိုယ်ကိုနဲ့ပဲယှဉ်ဆိုတဲ့စကားလေးက ဟိုးအရင်ကတည်းက ကျွန်မတို့ကြားဖူးပြီးသား၊ သိဖူးပြီးသားပါ။ ကျွန်မတို့ မေ့မေ့နေကြတာပါ။ မမေ့ဘဲ ခံနိုင်ရိုးလား။ ကိုယ့်မျက်စိရှေ့မှာ သူများတွေ တော်နေ၊ ကျော်နေတာတွေ မြင်နေရ၊ ကြားနေရတယ်လေ။ အားကျနေရတယ်လေ။ သူနဲ့မယှဉ်ပါဘူးဆိုရင်တောင် အားကျရာကနေ အလိုလိုယှဉ်မိသလို ဖြစ်သွားရော။ သူများတွေကိုကြည့်ရင်း အားကျရာကနေ အားငယ်လာရော၊ စိတ်ဓါတ်ကျလာရော။

ကျွန်မတို့ နည်းနည်းလောက် လှည့်စဉ်းစားကြည့်ကြမယ်။ မနေ့ကကျွန်မနဲ့ ဒီနေ့ကျွန်မဘာကွာလဲ။ လွန်ခဲ့တဲ့နှစ်ကနဲ့ ဒီနှစ်ကနဲ့ ဘာတွေများပိုတတ်လာပြီလဲ။ ဘာတွေများတိုးတက်လာပြီလဲ။ သူများတော်လာတာ မကြည့်ဘဲ ကိုယ့်ဘာသာပဲ ကြည့်ကြည့်ရအောင်။ ကျွန်မထင်ပါတယ်။ ကျွန်မတို့တွေ နည်းနည်းလေးတော့ မတိုးတက်လာပဲ မနေပါဘူး။ ဒါပေမယ့် အဲဒါကလည်း ဒီလောက်အခြေအနေနဲ့က ဒီလောက်ပဲ တိုးတက်စရာလား။ တွန်းလို့ ရွေ့တာလား။ တွန်းပေးတဲ့အရှိန်ကိုရော အသုံးချဖြစ်ရဲ့လား။ ပြန်စဉ်းစားရပါဦးမယ်။ အဲဒီလိုကျရင် “ဟင်.. ငါအများကြီးဖြစ်လာသင့်ရက်သား”နဲ့ ဆိုတာမျိုး ကိုယ်အသုံးမကျခဲ့တာတွေ မြင်လာဦးမယ်။ မြင်ကိုမြင်မှာ။ လူဆိုတာမျိုးကလည်း မရခင်ကသာ 50ရရင်တော်ပြီ။ ဟော.. 50လည်းရပြီးရော ငါ 100ရရမှာဆိုတဲ့စိတ် ဖြစ်သွားရော။ လိုချင်တာတွေ၊ ဖြစ်ချင်တာတွေလည်း ခဏခဏ ဖြစ်ဖူး၊ ရဖူးကြတာပဲ။ အဲဒီအချိန်လည်း ပျော်ဖူးကြတာပဲ။ ဒီကြားထဲ မတင်းမတိမ်နဲ့ ခဏခဏလည်း စိတ်ဓါတ်ကျနေကြတာပဲ။ ဒီတော့ မရောင့်ရဲနိုင်သရွေ့ ကိုယ့်ကိုယ်ကို အပြစ်တင်နေမိဦးမှာပဲ။

ရှိသေးတယ် နောက်တမျိုး။ ဒီခေတ်ကြီးမှာ ကျွန်မတို့အားလုံးက အလုပ်လည်းလုပ်ရ၊ ဟိုသင်တန်းဒီသင်တန်းလည်း ပြေးတက်ရနဲ့။ ခန္ဓာကိုယ်က ခံနိုင်သ၍ မနားနိုင်ဘဲ နေကြတယ်။ တဖြည်းဖြည်းနဲ့ စိတ်ကို အနားပေးတဲ့အချိန် ရှားပါးလာတယ်။ ပစ္စည်းတောင် ကုန်တတ်သေးတာပဲ။ စိတ်လည်း ပင်ပန်းလာတော့ အရည်အသွေးတွေလည်း ကျလာတယ်။ အလိုလို စိတ်တိုလာတယ်။ စိတ်တွေလေလာတယ်။ လွင့်လာတယ်။ အလိုမကျဖြစ်လာတယ်။

ကဲ.. သူများနဲ့လည်း မယှဉ်ဘူး။ တော်ပြီ ကိုယ်ရသရွေ့လေးနဲ့ပဲနေတော့မယ်။ နားနားနေနေပဲ။ အဲဒီလိုဆိုရင်ရော။ ဒီခေတ်ကြီးထဲမှာ အသက်ရှင်ဖို့တောင် ခက်သွားဦးမယ်။ ဘယ်ရမလဲ။ အောက်ဆုံးမှာ ပြားပြားလေး ဖြစ်နေမှာပေါ့။ ကြိုးစားကို ကြိုးစားရမယ်။ ရုန်းကို ရုန်းကန်ရမယ်။ ဟော.. ဟော.. အပေါ်ကအဆင့်တွေ ပြန်ရောက်ပြန်သွားပြီ။ ဒါကြောင့်ပြောပါတယ်။ ခေတ်ရောဂါပါလို့။ ရေပန်းအစားဆုံး ခေတ်ရောဂါပါဆို။ ကျွန်မတို့က ဒီလိုခေတ်မှာမှ လူဖြစ်နေကြတာကိုး။ ဒီတော့…….

ခင်ဗျားချည်းပဲ စိတ်ဓါတ်ကျတယ် မထင်ပါနဲ့။ ခင်ဗျားချည်းလည်း ပင်ပန်းတယ် မထင်ပါနဲ့။ ခင်ဗျားချည်းပဲ အလိုမကျတယ် မထင်ပါနဲ့။ ခင်ဗျားချည်းပဲ အသုံးမကျဘူး မထင်ပါနဲ့။ ကျွန်တော်တို့လည်း တူတူပါပဲ။

တွေဝေတယ်၊ေ၀၀ါးတယ်
အိမ်မက်တွေထဲ မြုပ်လိမ့်မယ်။

နောက်တွန့်တယ်၊ ကြောက်ရွံတယ်
ရှေ့ဆက်တိုးဖို့ ခက်လိမ့်မယ်။

မှိတ်ထားတယ်၊ ပိတ်ထားတယ်
စိတ်တွေကပါ ကန်းလာမယ်။

အလိုကြီးတယ်၊ အစွဲထားတယ်
အရှင်လတ်လတ် ငရဲကျမယ်။

ဟန်ဆောင်တယ်၊ ရှောင်ဖယ်တယ်
အစစ်တွေပါ ပျောက်လိမ့်မယ်။

အရှုံးပေးတယ်၊ ထွက်ပြေးတယ်
ရှင်နေလျက်က သေလိမ့်မယ်။

လေးစားပါ၊ အားကိုးပါ
ကိုယ့်ဆီမှာသာ ရှိပါတယ်။

ရုန်းထွက်ပါ၊ ရိုးသားပါ
ကိုယ့်ပေါ်တွင်သာ တည်ပါတယ်။

ချီးကျူးစကားတွေဟာ လူတစ်ယောက်အပေါ်မှာ ဘယ်လောက်များ အကျိုးသက်ရောက်မှုရှိပါသလဲ။

ကျွန်မလည်း တခါက ချီးကျူးစကားတွေနဲ့ အသားကျခဲ့ဖူးပါတယ်။ ကလေးတစ်ယောက်ရဲ့ အရည်အချင်းကို စာတော်တာ၊ ညံ့တာနဲ့  တိုင်းတာသင့်တယ်လို့ မယူဆပေမယ့် ကျွန်မတို့တုန်းကတော့ အဲဒီလိုမျိုး အတိုင်းခံခဲ့ရတာတော့ သေချာပါတယ်။ ကျွန်မဟာ ငယ်ငယ်ကတည်းက ဆင်ခြေများတဲ့ ကလေးတစ်ယောက် ဖြစ်ခဲ့သလို စာတော်ပါတယ်လို့ အစဉ်အမြဲ ချီးကျူးခံရတဲ့ ကလေးတစ်ယောက်လည်း ဖြစ်ခဲ့ပါတယ်။ ကျွန်မဘာလို့ စာကြိုးစားခဲ့ပါသလဲ။ သူများတွေလို မိဘတွေက စာကျက်စာကျက် ပြောရာက တော်လာတာမျိုးလည်း မဟုတ်ဘူး။ ကျောင်းဆရာမအမေက ဘယ်တော့မှ ကျွန်မကို စာကျက်ပါလို့ မပြောခဲ့ဖူးပါဘူး။ အနောက်မှာ နေရတာ မရှက်ဘူးလား ကိုယ့်ဘာသာ စဉ်းစားဖို့ပဲ ပြောခဲ့ပါတယ်။ ကျွန်မရှက်တတ်ခဲ့ပါတယ်။ အတန်းထဲ သူများနောက်နေရမှာ၊ ဆရာမတွေ မချစ်တော့မှာ၊ အဲဒါကြောင့်ပဲ ကျွန်မစာကျက်ခဲ့တာ ဖြစ်လိမ့်မယ်။

Leadership ဆိုတဲ့ အရည်အချင်းကရော။ ကျွန်မမှာ ရှိသလား။ ရှိခဲ့ပါသလား။ ကလေးဘ၀မှာတော့ အတန်းခေါင်းဆောင်ဆိုတဲ့ နေရာကို နှစ်စဉ်အမြဲ ရခဲ့ဖူးပါတယ်။ leadership အရည်အချင်းရှိလို့ အတန်းခေါင်းဆောင် ဖြစ်ရတာလား။ ငါးတန်းကျောင်းသူဘ၀မှာ အတန်းခေါင်းဆောင် စရှိတယ်။ ကျွန်မလည်း အတန်းခေါင်းဆောင် ဖြစ်ခဲ့တယ်။ နောက်နှစ်ကျလည်း ဒီအတိုင်း။ အထက်တန်းကျောင်းတလျှောက်လုံး စာတော်သော၊ တာဝန်ကျေသော ကျောင်းသူတစ်ယောက်အဖြစ် ချီးကျူးခံခဲ့ရလောက်အောင် ကျွန်မတကယ် ကြိုးစားခဲ့ဖူးပါတယ်။ ဦးဆောင်နိုင်ခဲ့ဖူးပါတယ်။

ဒါတင်ပဲလား။ တက္ကသိုလ်တက်တော့ အတန်းထဲမှာ EC ဆက်ဖြစ်တယ်။ သုံးနှစ်လုံးလုံး ဆရာမတွေနဲ့လည်းတည့်၊ အတန်းထဲမှာလည်း အဆင်ပြေအောင် နေတတ်ခဲ့ဖူးပါတယ်။ စာရော၊ အဲဒီအထိ ရှက်တတ်သေးတယ်။ စာမေးလို့ မရရင်ဖြစ်တဲ့ ခံစားချက်က ဘာနဲ့မှ မတူဘူး။ ဒါကြောင့် ကျွန်မ စာကျက်ခဲ့ဖူးပါတယ်။ အပြင်သင်တန်းတွေလည်း တက်ဖြစ်လာတော့ သင်တန်းတိုင်းမှာလည်း ထိပ်ဆုံးမဟုတ်တောင် ထိပ်နားမှာ နေရဖို့ ကျွန်မကြိုးစားခဲ့ပါသေးတယ်။ ရည်ရွယ်ချက်ရှိရှိ ကြိုးစားတယ်ဆိုတာထက် အနောက်မှ နေရမှာ ရှက်လို့ကြိုးစားရာကနေ သူ့အလိုလို စိတ်ဝင်စားမှုပါလာတာမျိုးပါ၊ ဖြောင့်ဖြောင့်တွေးပြီး မရှုပ်ထွေးခဲ့ပုံပါပဲ။

တော်တယ်။ လိမ္မာတယ်ဆိုတာတွေနဲ့ အသားကျလာလိုက်တာ။ အဲဒီစကားတွေ ဘယ်အချိန်ကျွန်မဘေးက ထွက်သွားပါလိမ့်။ သေချာတွက်ကြည့်ရင် 2007 လောက်ကများ စလေမလား။ တကယ့် ဘ၀ထဲကို စ၀င်ရတဲ့ အဲဒီအချိန်လောက်ကစ ကျွန်မဖြစ်ချင်တာတွေ သိပ်များလာခဲ့ပါတယ်။ ဟိုဟာဖြစ်ချင်၊ ဒီဟာဖြစ်ချင်နဲ့ ရည်ရွယ်ချက်ရှိရှိ ကြိုးစားဖို့ ကြိုးစားခဲ့တယ်။ ဒါပေမယ့် ကျွန်မ ယောင်လည်လည် ဖြစ်လာပါတယ်။ ချော်တော်တော်ဖြစ်လာပါတယ်။ ဟိုလို ဖြစ်ချင်လို့ အတင်းလိုက်လုပ်လိုက်၊ ဒီဟာကိုလည်း မလွှတ်ချင်လိုက်နဲ့။ ကျွန်မ တော်ချင်ယောင်လည်း ဆောင်တတ်လာပါတယ်။ တံလျှပ်တွေနောက်လည်း လိုက်တတ်လာပါတယ်။ ကိုယ့်အပြစ်ကိုဝှက်ထားရင်း သူများကိုလည်း လက်ညိုးထိုးတတ်လာပါတယ်။ အဲဒီလို လုပ်ရင်းကနေ ကျွန်မရဲ့ ပင်ကိုယ်အရည်အချင်းတွေ လွင့်လွင့်သွားတာ မသိလိုက်ဘူး။ ရှေ့ဆုံးရောက်ရာကနေ အလယ်၊ နောက် .. အနောက်ကျကျနား ရောက်သွားတာ၊ သွေးရူးသွေးတန်းလိုက်ရင်းနဲ့ ထပ်ထပ်ဝေးသွားတာ၊ ကျွန်မ မသိချင်ယောင်ဆောင်နေခဲ့တယ်။ ကျွန်မဘ၀မှာ ကံကောင်းစွာနဲ့ ဆရာကောင်းတွေ၊ မိတ်ဆွေကောင်းတွေ အများကြီးတွေ့ခဲ့ရတယ်။ ဒါပေမယ့် တခါတလေ တန်ဖိုးထားရကောင်းမှန်း တကယ်ကို မသိခဲ့ပါဘူး။ ကျွန်မဘာသာ ညံ့လာတာကို ဖုံးရင်း ကာကွယ်ရင်း အတုတွေနဲ့ချည်း ပျော်ပါးတတ်လာပါတယ်။ littlebrook က နန်းညီအတွက် ရေးပေးဖူးတာလေး ဖတ်ဖူးပါတယ်။ ကျွန်မခေါင်းထဲ အဲဒီစကားလုံးလေးတွေ ခဏခဏ ၀င်ဝင်လာတယ်။ “ စိတ်ပြေရာပြေကြောင်း ဖန်တီးထားတဲ့ ကမ္ဘာအတုလေးထဲ ၀င်နေရင်းနေရင်း အနီးက တကယ့်အဖြစ်အပျက်တွေ လူတွေကိုမေ့သွားမှာကိုပါ။ “ တဲ့။ ဟုတ်တယ်။ ကျွန်မ မေ့မေ့သွားတယ်။

အလုပ်ထဲမှာရော။ ဒီလောက်ပံ့ပိုးမှုနဲ့ဆို ဒီထက်အရည်အချင်းတွေ အများကြီးတက်လာရမှာ။ ခု ကျွန်မက အတင်းတွန်းရွှေ့တော့မှ တွန်းသလောက်လေး နည်းနည်းရွေ့တယ် ဆိုတာမျိုး။ တွန်းပေးတဲ့အရှိန်လေးနဲ့ တဟုန်ထိုး ဆက်သွားဖို့ ကျွန်မ မကြိုးစားဖြစ်ဘူး။ ဒီလိုမှားနေမှန်းသိတယ်။ ဒီလိုပြန်ပြင်ရမှန်းသိတယ်။ မပြင်နိုင်ဘူး။

သုံးသပ်ကြည့်ရင် ကျွန်မထွေပြားခဲ့တယ်။ အဲဒီကနေေ၀၀ါးလာတယ်။ ထွေပြားေ၀၀ါးရင်း တတ်ယောင်ကား၊ အီယောင်ဝါးဖြစ်လာတယ်။ လွင့်လွင့်နေတာကို ကျွန်မ လုံးဝ မထိန်းချူပ်ခဲ့ဘူး။ လွင့်နေရတာကို ပျော်လာတယ်။ ဟိုးတနေ့က ကျွန်မအချစ်ဆုံး အစ်မက သတိပေးလာပါတယ်။ သူ့ကို ကျွန်မဖြစ်ချင်တာတွေ ပြောခဲ့ဖူးတာကိုး။ သူက အဲဒါတွေကို ထောက်ပြရင်း ဘာမှ ဖြစ်မလာသေးတာကို သတိပေးလိုက်တော့မှ …………….. ကျွန်မလန့်သွားတယ်။ ဟုတ်တယ်။ ဆင်ဖမ်းမယ်။ ကျားဖမ်းမယ်ပဲ ကြုံးဝါးဖူးတယ်။ သက်လုံကောင်းအောင်၊ လက်နက်ပြည့်စုံအောင် မကြိုးစားဖြစ်ဘူး။ အရည်အချင်း၊ အရည်အသွေးဆိုတာ ခုနေခါမှာ လုံးဝ ကျွန်မဆီက ပျောက်ဆုံးခဲ့ပါပြီ။ ကျွန်မသိနေပါတယ်။ သူငယ်ချင်းတစ်ယောက်က သူကြောက်တဲ့အကြောင်း ကဗျာတစ်ပုဒ်ရေးဖူးတယ်။ အဲဒီတုန်းက ကျွန်မ မယုံကြည်စိတ်နဲ့ မဖြစ်နိုင်ပါဘူးဆိုပြီး လှောင်ခဲ့ဖူးပါတယ်။ ခု ကျွန်မကြောက်နေပါတယ်။ ကိုယ့်ကိုယ်ကိုလည်း မယုံတော့ဘူး။ လမ်းကိုမြင်လျက်နဲ့ မလျှောက်နိုင်တဲ့ ကိုယ့်ကိုယ်ကိုလည်း မုန်းလာပြီ။ အဲဒီလို မုန်းလာတာကိုလည်း ကြောက်တယ်။ အားလုံးကို သိနေတာကိုလည်း ကြောက်တယ်။ သိရက်နဲ့ မလုပ်နိုင်တာကိုလည်း မုန်းတယ်။ ကိုယ့်ကိုယ်ကို ပြန်ကြောက်တယ်ရှင်။

ဆင်ဖမ်းမယ်၊ ကျားဖမ်းမယ်။
မြန်မြန်ပြေး၊ ဝေးဝေးပစ်၊ မြင့်မြင့်ခုန်မယ်။
မိုးကောင်းကင်ကို ဒူးနဲ့တိုက်မယ်။
ဆင်ဖမ်းမယ်၊ ကျားဖမ်းမယ်။

ဆင်ပေါက်တို့၊ ကျားပေါက်တို့ သီချင်းတွေကို
အကျယ်ကြီးဖွင့်မယ်။

သန်းခေါင်ယံအိမ်မက်ဆိုးတွေနဲ့
စီးချင်းထိုးမယ်။
ဆင်ဖမ်းမယ်၊ ကျားဖမ်းမယ်။

လက်ဖျံနှစ်ဖက်မှာ
ဇွဲတွေ၊ သတ္တိတွေကို တက်တူးထိုးမယ်။

စိတ်ကူးရောက်ရာ ပေါက်ရာအတိုင်း
ကျွဲရိုင်းတစ်ကောင်ကိုပါ ဖမ်းပြလိုက်ချင်သေးတယ်။

နိုင်မွန်အောင်သွင်

/* ခုလောလောဆယ် ခံစားချက်နဲ့ လုံးဝကြီးတိုက်ဆိုင်နေတဲ့ နိုင်မွန်အောင်သွင်ရဲ့ ကဗျာတစ်ပုဒ်ပါ…. ကူခံစားပေးပါဦး.. */

ခုနှစ်ပိုင်းတွေမှာ မြန်မာပြည်မှာ ကွန်နက်ရှင်အပထား၊ အင်တာနက်ကြီး တဟုန်ထိုး ဖွံ့ဖြိုးတိုးတက်လာတာကတော့ လက်မခံလို့ မရပါဘူး။ အကောင်းရော၊ အဆိုးရော ဒွန်တွဲနေတဲ့အတိုင်း တိုးတက်မှုတွေနောက်မှာ ဆုတ်ယုတ်မှုကလည်း ကပ်ပါလာတာပါပဲ။ ပစ္စည်းအသစ်တခု သုံးတတ်ခါစ လူတွေလိုဖြစ်နေကြတယ်။ ခုတလော အွန်လိုင်းကနေ ခြိမ်းခြောက်မှုတွေ စလာနေပုံပါပဲ။ အသရေဖျက်တဲ့စာတွေလည်း များပြားလာတယ်။

ဒါတွေ အသာထား။ ပြောချင်တာက အွန်လိုင်းမှာ ရေးတဲ့စာတွေအကြောင်းပါ။ ဓါတ်ပြားဟောင်းတချပ် ဖြစ်နေမှာတော့ သေချာတယ်။ ထပ်ဖွင့်ပါရစေ။ အွန်လိုင်းမှာပဲဖြစ်ဖြစ် အပြင်မှာပဲ ဖြစ်ဖြစ်၊ စာရေးတယ်ဆိုတာ ဘာလို့ရေးကြပါသလဲ။ ကိုယ်ပြောချင်တာတွေ၊ သူများကိုမျှဝေချင်တာတွေ၊ အားပေးချင်တာတွေ၊ လက်ဆင့်ကမ်းခဲ့ချင်တာတွေ၊ စသဖြင့်ပေါ့။ ဖတ်တဲ့သူက ဖတ်ပြီး ဗဟုသုတရရင်ရ၊ ခံစားမှုလေးတခုရရင်ရ၊ ဘာရရ၊ တကယ့်စာရေးသူမှန်ရင် ကျေနပ်မှာပါပဲ။ ဘယ်သူရေးပါတယ်လို့ အသိအမှတ်ပြုသည်ဖြစ်စေ မပြုသည်ဖြစ်စေ ကျေနပ်မှာပါ။ စာဖတ်သူဘက်ကလည်း ဘယ်သူရေးရေး ဖတ်ဖို့က အရေးအကြီးဆုံးပါ။ ဖတ်သူဘက်က မဆွေးနွေးချင်ပါဘူး။ ရေးသူဘက်ကသာ ဆွေးနွေးချင်တာပါ။ အွန်လိုင်းမှာ စာရေးတယ်ဆိုတာ ကိုယ့်ဘာသာရေးချင်လို့ကို ရေးနေကြတာပါ၊ ဘယ်သူမှ တိုက်တွန်းလို့လဲ မဟုတ်ပါဘူး။ ကိုယ်ရေးလိုက်တဲ့စာ ကိုယ့်နာမည်ပျောက်ပြီး forward မေးလ်တွေကနေတဆင့် ကိုယ့်ဆီပြန်ရောက်လာရင်လည်း ကျေနပ်ကြတာပဲ။

အွန်လိုင်းမှာ စာရေးနေတဲ့လူတိုင်းဟာလည်း စာရေးဆရာ မမည်ပါဘူး။ ကိုယ်အဖတ်များတဲ့၊ ကိုယ်ကြိုက်နှစ်သက်တဲ့ စာရေးဆရာရဲ့ လွှမ်းမိုးမှုတွေ အနည်းနဲ့အများ ရှိကြတာပါပဲ။ ဒါကို အပြစ်လို့ဆိုချင်တာ မဟုတ်ပါဘူး။ အဲဒီလိုရေးရင်းနဲ့မှ ကိုယ့်ကိုယ်ပိုင်ဟန် ထွက်နိုင်ဖို့က ကိုယ့်အားထုတ်မှုပါပဲ။
အားမထုတ်ပဲနေရင်လည်း အလွှမ်းမိုးခံဘ၀နဲ့ပဲ ရှိနေလိမ့်မှာပေါ့။ ဒါလည်း အပြစ်မဟုတ်ပါဘူး။ ကိုယ်ရေးနိုင်သလောက် ကိုယ့်အတွေးအခေါ်လေးတွေကို ဝေမျှချင်တာကိုး။ ဘယ်ဟာက အပြစ်ဖြစ်လာသလဲ။ ကူးချတာပေါ့။ တချို့က တိုက်ရိုက် copy and paste ကူးချတယ်။ တချို့က ဖြတ်ညှပ်ကပ်တယ်။ ကျွန်မအမြင်ကတော့ copy and paste လုပ်လာတာထက် ဖြတ်ညှပ်ကပ်သမားက ပိုဆိုးတာပါပဲ။ သူများရေးထားတာ သိပ်သဘောကျရင်လည်း သူရေးထားတာတော့ ဒီလိုပါ။ ကျွန်တော်ကျွန်မ အမြင်ကတော့ ဒီလိုပါလောက် လုပ်ရင်တောင် တော်သေးရဲ့။ အဲဒီလိုမဟုတ်။ သူ့ idea ကိုကိုယ် idea လုပ်။ ရေးသူနာမည်တပ်တဲ့ အရှက်မရှိသူတွေကလည်း ရှိနေပါသေးပါလား။ ကိုယ်အဲဒီလို ကူးချထားတာကို ဘယ်သူမှ သိမသွားရင်တောင် ကိုယ့်ဘာသာ လိပ်ပြာလုံနေတဲ့သူတွေကိုလည်း အံ့သြပါရဲ့။ သူများစာကို သွားဖတ်ထား၊ သူများအတွေးအခေါ်အတိုင်း ရေးထားတဲ့စာကို ကိုယ့်စာလို့ နာမည်တပ်ရဲတာ၊ ကိုယ်ရေးထားတယ်လို့ ပြောရဲတာ ရှက်တတ်ရင် ရှက်ဖို့ကောင်းတာပဲ။ စာလုံးဝမရေးတဲ့သူက ဘယ်တော့မှ ကူးမချပါဘူး။ ကူးချတဲ့သူမှန်သမျှ ကိုယ်တိုင်လည်း ရေးနေတာပါပဲ။ ဘာလို့များ ကိုယ်ချင်းမစာနိုင်ရပါသလဲ။

တကယ်တော့လည်း ကျွန်မ နေရင်းထိုင်ရင်း အကုသိုလ်ပွားတာလည်း ဖြစ်ကောင်းပါတယ်။ အပြင်မှာတောင် ကူးချတာရှိသေးတာပဲ။ ကျွန်မ ၀တ္ထုတိုတစ်ပုဒ် ဖတ်ဖူးပါတယ်။ အဲဒီဝတ္ထုတိုက ဆရာမ ဂျူး ရေးဖူးတဲ့ ၀တ္ထုတိုလေး တစ်ပုဒ်နဲ့ တထေရာတည်းပါ။ အဲဒါကို စာပေတိုက်တခုက ထုတ်တဲ့စာအုပ်မှာ collection အနေနဲ့ပါလာတာပါ။ ထုတ်ဝေသူက ခင်နေလို့ ပြောပြတော့ သူလည်း အဲဒီမှ သိသွားခဲ့တယ်။ ဒီလို အပြင်မှာနာမည်ကြီးနေတဲ့ စာရေးဆရာမရဲ့ ထွက်ပြီးသား စာကိုတောင် ခိုးချရဲသေးတာပဲ၊ အွန်လိုင်းက ဘာမို့လို့လဲ။ ပိုတောင်လွယ်သေး။ စာဖတ်သူတွေအတွက်က သတိမထားမိရင် ဘယ်သူရေးရေးပေါ့။ တကယ့်အစစ်စာရေးသူကလည်း ငါ့စာလေးကောင်းလို့ အခိုးခံရတာပဲ ဆိုတဲ့ ပီတိလေးတောင် ဖြစ်ချင်ဖြစ်ဦးမှာ။ ဒါပေမယ့် ခိုးချတဲ့သူတွေ ခိုးရဲတာတော့ ဘယ်လိုစိတ်ကူးများပါလိမ့်။

မရေးတတ်ရင် မရေးနဲ့။ ရေးချင်လွန်းရင် ရေးတတ်သလောက်ရေး။ သူများအတွေးအခေါ်ကိုတော့ ကိုယ့်အတွေးအခေါ်လုပ်ပစ်တာတော့ တကယ်ကို စိတ်ဆင်းရဲဖို့ကောင်းတာပါပဲ။ ရှက်တတ်ကြရင်ကောင်းမှာပါ။

ကျွန်တော်က ကျွန်တော်သခင်သွားရာနောက် တကောက်ကောက်လိုက်ရတဲ့ ကျောပိုးအိတ်ကလေးပေါ့။ တနေ့ ကျွန်တော့်သခင်က ကျွန်တော့်ကို ပြည်ကို ခရီးသွားကြမယ်လို့ ခပ်တိုးတိုးလေးပြောပါတယ်။ shirikittara 2.0 ဆိုပဲ။ ဘာလဲတော့ ကျွန်တော်လည်း မသိပါဘူး။ ကျွန်တော့်အတွက်က ခရီးသွားရမယ်ဆိုတဲ့ စိတ်လှုပ်ရှားမှုသာရှိပါတယ်။ အဲဒီနေ့က Aug 29th။ ကျွန်တော့်သခင်က အပြင်က ပြန်ရောက်ရောက်ချင်း ခဏနားစေပြီး ညနေစောင်းလောက်မှာ ကျွန်တော့်ဗိုက်ထဲကို ရှပ်အကျီတစ်ထည်၊ rain coatတစ်ထည်၊ ဦးထုပ်တစ်လုံး၊ စာအုပ်တစ်အုပ်၊ သွားပွတ်တံနဲ့ တစ်ရှူးစတာတွေကို ထည့်ပါတယ်။ ည ၉နာရီလောက်မှာ ကျွန်တော့်သခင်က ကျွန်တော့်ကိုခေါ်ပြီး အိမ်ကနေ ထွက်လာတာကစပြီး ကျွန်တော့်ဘ၀အတွက် မမေ့နိုင်စရာ ခရီးတစ်ခု အစပြုပါတော့တယ်။

အဖြူရောင်တွေတရုံးရုံးနဲ့ ကားပေါ်တက်ကြတော့ ကျွန်တော့်သခင်က ကျွန်တော့်ကို သူ့အပေါ်တည့်တည့်က စင်ပေါ်မှာ နေစေပါတယ်။ ကျွန်တော်နည်းနည်းတော့
စိတ်မကောင်းဖြစ်သွားတယ်။ ကျွန်တော်က သခင့်ပေါင်ပေါ်ထိုင်ချင်တာကိုး။ အင်းလေ အပေါ်စီးကဆိုလည်း အားလုံးကို မြင်ရတာပေါ့ဆိုပြီး ကျွန်တော်လည်း
ကျွန်တော့်ကိုယ်ကျွန်တော် သက်တောင့်သက်သာ အနေအထားနဲ့ နေနေလိုက်ပါတော့တယ်။ တနေ့လုံး ပင်ပန်းထားတော့ ကျွန်တော်လည်း အိပ်မလို့ ကြံသေးတယ်။
ဘယ်အိပ်လို့ရမတုန်း။ စကြနောက်ကြနဲ့ ပျော်ရွှင်နေကြတာပဲ။ ကျွန်တော်မျက်လုံး မှိတ်မယ်ကြံလိုက် ရယ်ချင်လာလိုက်နဲ့ နောက်ဆုံးကျွန်တော်လည်း
သူတို့နဲ့အတူတူ စီးမျောသွားပါတော့တယ်။ လက်ဖက်ရည်ဆိုင်ရောက်ရင် သူတို့အားလုံးဆင်းသွားလိုက်၊ နောက်ပြန်တက်လာလိုက်၊ ကားပြန်ထွက်လိုက်၊
စကားတွေပြောလိုက်နဲ့ပဲ မနက်စောစော ဝေလီဝေလင်းမှာ ပြည်မြို့ ရွှေဆံတော်ဘုရားကိုရောက်ပါတော့တယ်။

အားလုံး ကားပေါ်ကဆင်း ခြေလက်သုတ်သင်ပြီး ဘုရားတက်မယ်လုပ်တော့ ဖိနပ်တွေကားပေါ်ချွတ်ထားခဲ့ကြတယ်။ တချို့တချို့ အိတ်ကလေးတွေ ကားပေါ်ကျန်ခဲ့ကြတာ တွေ့ပေမယ့် ကျွန်တော်ကတော့ သိနေပါတယ်။ ကျွန်တော်မပါဘဲ ကျွန်တော့်သခင် သွားမှာမဟုတ်ဘူးဆိုတာ။ ဟော.. တွေ့လား။ ခေါ်ပါပြီ။
ကျွန်တော်နဲ့ ကျွန်တော့်သခင်လည်း အားလုံးနဲ့တူတူ ဘုရားပေါ်ကိုတက်လာခဲ့တာပေါ့။ ရင်ပြင်တော်ပေါ်ကနေ လှမ်းမြင်ရတဲ့ ရှုခင်းက လှလိုက်တာဗျာ။ အားလုံးက အဲဒီမြင်ကွင်းထဲ နစ်ပြီး ဓါတ်ပုံတွေရိုက်လိုက်ကြတာ။ ကျွန်တော်ကတော့ အဖြူရောင်တွေတူနေတဲ့ သူတို့ကို ကြည့်ပြီးတော့ကို ပျော်နေတော့တယ်။ နောက် မနက်စာစားဖို့ ဆိုပြီး ဓမ္မာရုံကို တန်းစီသွားကြရော။ ယောက်ျားလေးတွေတဖက် မိန်းကလေးတွေတဖက် စီထားတဲ့ စားပွဲမှာထိုင်ကြရင်း ဘဘကြီးတစ်ယောက် ပြောတဲ့စကားတွေကို နားထောင်နေကြပါတယ်။ ကျွန်တော်ကတော့ နားထောင်လို့ကောင်းနေတာပေါ့။ ကျွန်တော်မကြားဖူးသေးတဲ့ အကြောင်းတွေပြောနေတာကိုး။ န၀ဒေးရဲ့ကဗျာဆိုလား ရွတ်ပြသေးတော့ ကျွန်တော့်မှာတော့ နားထောင်ကောင်းတယ်ပေါ့။ ကျွန်တော့်ကိုဖက်ထားတဲ့ ကျွန်တော်သခင်ဆီကတော့ တဂွီဂွီ အသံတချို့ကြားရသေးတယ်။ ဘဘကြီးရဲ့စကားဆုံးမှာမှ သူတို့တွေ လက်ဖက်ရည်နဲ့ ဆမူဆာတစ်ခုစီစားကြရပါတယ်။ ပြီးတော့ဘုရားရင်ပြင်ပေါ်ထပ်ပတ်၊ နောက် ပြန်ဆင်း၊ ကားပေါ်ပြန်တက်။ ပြန်ထွက်လာခဲ့ရော။

ကျွန်တော်လည်း ကျွန်တော့်နေရာကျွန်တော်ထိုင်ငိုက်နေရာက တချက်တချက်ကြည့်တော့ တံတားကြီးလည်းဖြတ်ပါရဲ့။ ဟိုကွေ့ဒီကွေ့လည်း ကွေ့ပါရဲ့။ ဘာမှမကြာပါဘူး။ ရွှေဘုံသာမုနိ ရောက်ပြီဆိုပြီးဆင်းကြပြန်ပါရော။ ဒီတခါလည်း ကျွန်တော်လိုက်ရပြန်တာပဲ။ တော်တော်လေး အေးချမ်းတဲ့နေရာလေးပါ။
အေးအေးဆေးဆေး ထိုင်ငေးနေဖို့ကောင်းပါတယ်။ ပန်းပွင့်တွေရော၊ အပင်စိမ်းစိမ်းကြီးတွေရောနဲ့။ ပန်းပွင့်တွေ အများကြီးပွင့်နေတဲ့
ပန်းခင်းတိုတိုလေးနားရောက်တော့ ပန်းပွင့်တွေကို ဓါတ်ပုံရိုက်ကြပါရောလား။ ပန်းတင်မက ပျားလေးတွေပါတွေ့တော့ ကျွန်တော်လည်း ငေးမိပါရဲ့။ ကျွန်တော်နဲ့
ကျွန်တော့်သခင်လည်း ရင်ပြင်တော်ကိုဆက်ပတ်။ တပတ်ပတ်ပြီး ပြန်လာတဲ့အထိ ပန်းကို ဓါတ်ပုံတွေ ရိုက်နေကြတုန်း။ နောက်တော့မှ သူတို့အားလုံးရဲ့ အာရုံက
ဘုရားခြေရင်းက မြစ်ကမ်းနားဆီရောက်တော့တယ်။ ခရီးစစတုန်းက သိပ်မသိတဲ့သူတွေလည်း သိလာရင်း ကျွန်တော့်ဗိုက်ထဲက စာအုပ်မှာလည်း www. တွေ @gmail.com တွေတိုးလာပါတော့တယ်။

နောက်တခုဆက်သွားတာက သီရိခေတ္တရာမြို့ဟောင်းဆိုတဲ့နေရာတဲ့။ မရောက်ခင်လေး ကားပေါ်မှာတင် အစ်ကိုကြီးတစ်ယောက်က မြို့ဟောင်းနဲ့ပတ်သက်ပြီး
ရှင်းပြပါသေးတယ်။ ကျွန်တော်မှတ်မိလိုက်တာက မြို့တွေရဲ့မူလပုံစံက စက်ဝိုင်းကြီး၊ နောက်မှ စက်ဝိုင်းပျက်ပုံဖြစ်သွားတာ ဆိုတာရယ်။ ၃ရာစုဆိုတာရယ်ပါပဲ။ တကယ်လည်း ပြတိုက်ရောက်ရော။ အဲဒီအစ်ကိုကြီးကပဲ ဆက်ရှင်းပြပါသေးတယ်။ ကျွန်တော့်မှာတော့ ဟိုကြည့်လည်းနားမလည်၊ ဒီကြည့်လည်းနားမလည်နဲ့ပေမယ့် ဟိုအိုးကြီးစိတ်ဝင်စားလိုက်၊ ဟိုအရုပ်ကလေးကိုင်ချင်လိုက်၊ ဟိုပုတီးလုံးလေးကို ငေးလိုက် ကျွန်တော့်သခင် ကျောပေါ်ကနေလိုက်ရတာပေါ့။ နောက်သူတို့တွေ
မြို့ဟောင်းရဲ့မြေပုံကြီးရှေ့ရပ်ကြရင်း ဆက်သွားမယ့် ခရီးအတွက်မေးမြန်းကြပါတယ်။ ကားနဲ့ နည်းနည်းသွားပြီး လမ်းလျှောက်ရမယ်လည်းဆိုရော လမ်းလျှောက်ရတာ ကြိုက်တဲ့ ကျွန်တော့်သခင်လည်း စိတ်ချမ်းသာသွားမှာ အတပ်သိလိုက်သေးတယ်။

စစချင်းရောက်တာက ဘောဘောကြီးဘုရား၊ ထုထည်ကြီးကြီးနဲ့ခန့်ခန့်ကြီး၊ နောက် ဘဲဘဲလေးဘုရားနဲ့ ဗိသနိုးမိဖုရားဂူဆိုလားရောက်တယ်။ လမ်းတလျှောက်လုံး လည်း နေတွေပူ။ ထီးပါတဲ့သူကထီးဆောင်း၊ ဦးထုပ်ဆောင်းသူဆောင်း၊ ဘာမှမဆောင်းသူလည်းရှိပါရဲ့။ သွားရင်းနဲ့လည်း ဟိုးရှေးရှေးတုန်းကအကြောင်းတွေ ထင်တာမြင်တာတွေ ပြောကြရင်း စကြရင်းနဲ့မို့လို့ ပင်ပန်းတယ်၊ မောတယ်ညည်းသံတချို့ကြားပေမယ့် ပျော်နေကြတယ်ဆိုတာမလွဲပါဘူး။ အဲဒီကြားထဲ အဆိုးဆုံး ဝေဒနာက ဗိုက်သိပ်ဆာလာတာပဲလို့ ကျွန်တော်တော့ထင်တာပဲ။ ကျွန်တော်က ဆက်သွားချင်သေးတယ်။ လူတွေကတော့ ထမင်းစားချင်နေကြရော။ ဒါနဲ့ပဲ
နောက်ထပ်သွားရတဲ့ နေရာက ထမင်းဆိုင်ဖြစ်သွားတာပါပဲ။

ထမင်းဆိုင်ကထွက်ပြီး ကားပြန်ထွက်တော့ အားလုံးနည်းနည်းငြိမ်သွားတယ်။ ကျွန်တော်လည်း အိပ်ပျော်သွားရော။ ကားရပ်လို့ ရုတ်တရက်နိုးလာတော့
ရွှေနတ်တောင်ဆိုတဲ့ ဘုရားရောက်နေပြီ။ ကျွန်တော်လည်း ကျွန်တော်သခင်နဲ့တူတူ ဘုရားပေါ်တက်တာပေါ့။ ဘုရားပေါ်မှာကလည်း စတုဒီသာ သာကူကျို တိုက်နေတာနဲ့ ၀င်သောက်ကြသေးတာ။ ဘုရားရှိခိုးကြ၊ ဓါတ်ပုံရိုက်ကြနဲ့ အေးအေးဆေးဆေးနားနေကြတာ၊ ကျွန်တော်အပါအ၀င်ပါပဲ။ အမယ်..သူတို့တွေက
ရန်ကုန်ပြန်ဖို့စောသေးတယ်ဆိုပြီး ချောင်းသာသွားဖို့တောင် ကြံသေး။ ကျွန်တော့်သခင်လို ရုံးတက်ရမယ်သူတွေက ကန့်ကွက်နေတာနဲ့ပဲ မသွားရတာ။ ကျွန်တော့်စိတ်နဲ့သာဆို လိုက်သွားရောပေါ့။ သခင်ကမသွားဘူးဆိုလို့သာ။ ဒါနဲ့ပဲ ရေပြာကျွန်းဆိုလား၊ အဲဒီမှာနားကြမယ်ဆိုပြီး သွားကြပါလေရော။ ရွှေနတ်တောင်က ရေပြာကျွန်းအသွား လမ်းပေါ်မှာတော့ ကျွန်တော်အပျော်ဆုံးပါပဲ။ ကားရှေ့ပိုင်းနဲ့ နောက်ပိုင်းခွဲပြီး သီချင်းတွေဆက်ဆိုတမ်း ကစားကြတာ၊ အော်လိုက်၊ ဟစ်လိုက်၊
ငြင်းလိုက်၊ ခုန်လိုက်နဲ့ စင်ပေါ်က ကျွန်တော်တောင် ၀င်အော်ချင်စိတ်ပေါက်တယ်။

ရေပြာကျွန်းလည်းရောက်ရော ကျွန်တော့်သခင်က ကျွန်တော့်ကို ကားပေါ်မှာထားခဲ့တယ်ဗျာ။ စိတ်မကောင်းလိုက်တာ။ ကျွန်တော်လည်း အပေါ်က မြင်ရသလောက် လှမ်းကြည့်တော့ စကားပြောတဲ့သူတွေ၊ ဓါတ်ပုံရိုက်တဲ့သူတွေ၊ အေးအေးဆေးဆေးထိုင်တဲ့သူတွေနဲ့ ကျွန်တော့်သခင်ကတော့ အပင်အောက် ငိုက်နေလေရဲ့။ ညနေလည်းကျရော၊ ကားပေါ်ဆင်းလိုက်တက်လိုက်နဲ့ ရေချိုးကြ၊ အ၀တ်လဲကြနဲ့ပေါ့။ ညနေစာလည်း အဲဒီမှာပဲစားကြတာ တွေ့ပါတယ်။ ည၇နာရီလောက်မှ
အုပ်စုလိုက်ဓါတ်ပုံရိုက်နေတာတွေ့ပြီး နောက်ဆုံး ကားပေါ်ပြန်တက်လာကြပါတယ်။

အပြန်လမ်းမှာ ပေါင်းတည်မြို့က ဘုရားပွဲကိုလည်း ၀င်လျှောက်ခဲ့သေးတယ်။ ဒီတခါတော့ ကျွန်တော်မကျန်ခဲ့ပါဘူး။ မိုးတစွတ်စွတ်ရွာထားတဲ့ကြားထဲ
လျှောက်ရတာဆိုတော့ သိပ်ကြာကြာလည်း မလျှောက်ဖြစ်ပါဘူး။ ပေါင်းတည်ဘုရားပေါ်ရောက်တော့ နောက်တခေါက်ခရီးအတွက် ပြောကြဆိုကြနဲ့။
ကျွန်တော်တော့ စိုးရိမ်ပါတယ်။ ကျွန်တော့်သခင်က အဲဒီကျရင် ကျွန်တော့်ကိုမှ ခေါ်ပါတော့မလား။ သခင်ဖက်ထားတဲ့ကြားကနေ ကျွန်တော် သူ့မျက်နှာကို
မော့ကြည့်တော့ စိတ်ဝင်တစားနားထောင်နေတာသာ တွေ့ရတယ်။ အဲဒီဘုရားပေါ်မှာပဲ သူတို့တွေ ကျွန်တော်မသိတဲ့ တစ်ယောက်အတွက် ရှိခိုးဆုတောင်းကြသေးတယ်။ ခရီးစဉ်တလျှောက်လုံး မိုးတွေမရွာလာတာလည်း ကျွန်တော့်အတွက် ကံကောင်းတာပါပဲ။ နောက်မဟုတ်ရင် ကျွန်တော့်ခန္ဓာကိုယ်က စိုစိစိဖြစ်ပြီးရင် သိပ်နေရခက်တာ။

နောက်ဆုံးအပြန်လမ်းကားပေါ်မှာတော့ လူအားလုံး တခေါက်ပြန်မိတ်ဆက်ကြပါရောလား။ မေးခွန်းတွေနဲ့ စိတ်ဝင်စားဖို့အကောင်းသား။ နောက်တော့
မီးမှိန်မှိန်အောက်မှာ သရဲအကြောင်းတွေပြောကြသေး။ အလာလမ်းထက်စာရင် အပြန်လမ်းက စကားသံတွေက ပိုစိတ်ဝင်စားဖို့ ကောင်းနေတော့ ကျွန်တော်လည်း
အိပ်ငိုက်ဖို့ မေ့မေ့သွားသေးတယ်။ နောက်ဆုံးအကြိမ် လက်ဖက်ရည်ဆိုင်တခုမှာရပ်ပြီးတဲ့အချိန်ကစပြီး ကားတစ်စီးလုံး ပြန်ငြိမ်သွားလိုက်တာ မနက် ၄နာရီ ရန်ကုန်ပြန်ရောက်တဲ့အထိပါပဲ။

ဒီလိုနဲ့ပဲ…….. ကျွန်တော်တို့ရဲ့ ခရီးစဉ်လေး အဆုံးသတ်ပြီလို့ ကျွန်တော်သခင်က ကျွန်တော့်ကို ပြောလိုက်ရော.. ကျွန်တော်လည်း ဘာကိုမှန်းမသိ လွမ်းသွားပါတော့တယ်။ နောက်တခေါက်ဆိုရင်.. ဆိုတဲ့ခံစားမှုကလည်း ချက်ချင်းရောက်လာပါသေးတယ်။ ကျွန်တော့်အတွက် ပထမဆုံးနဲ့ နောက်ဆုံးခရီးလည်း ဖြစ်ကောင်းဖြစ်နိုင်ပါတယ် ဆိုတဲ့အတွေးလည်းပဲ …….

စက်တင်ဘာ ၂ ရက်..
ယနေ့သည် ဟိုလိုလိုဒီလိုလို စတင်ခဲ့သည်မှာ နှစ်နှစ်ပြည့်မြောက်သောနေ့
ဖြစ်ပါသည်။ ကျွန်မရဲ့ ညံ့ဖျင်းမှုကြောင့် သူမသည် အထီးကျန်ဆန်ဆန်
ကြီးပြင်းလာခဲ့ရပြီး ယနေ့ကဲ့သို့ အထိမ်းအမှတ်နေ့မျိုးတွင်ပင်
အထိမ်းအမှတ်ဖြစ်စရာ ပို့စ်မတင်နိုင်ပါ။

ထို့ကြောင့် ယနေ့ ဟိုလိုလိုဒီလိုလိုသို့ ရောက်ရှိခဲ့သော
မိတ်ဆွေများရှိပါက ယနေ့အတွင်း ဆက်သွယ်ပါက ယနေ့အတွင်း မုန့်ကျွေးမည် ဖြစ်ကြောင်း……